Charter Document - 07550150
| Charter Number: | 07550150 |
|---|---|
| Cartulary Title: | Registrum de Panmure |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1227 - 1232 |
| Date type: | Assigned |
| Resource Link(s): |
People of Medieval Scotland |
Charter:
Johannes Comes Huntigdoun omnibus has litteras visuris vel audituris salutem Sciatis me concessisse et hac carta mea confirmasse Deo et ecclesie sancti Thome martiris de Abirbrothoc et monachis ibidem Deo servientibus et servituris illam carucatam terre in Kynalchmund quam bone memorie comes David pater meus eis dedit Tenendam sibi in liberam et puram et perpetuam elemosinam ita libere quiete plenaria et honorifice ab omni servicio seculari et exactione sicut carta ejusdem patris mei super hoc eis facta plenius testatur Testibus domino Johanne abbate de Lundors domino Galfrido de Krauford domino Henrico de Ferrer Henrico de Striveling et Henrico de Brechyn fratribus meis Ricardo Syward Roberto de Campania senescallo meo et Henrico fratre ejus Symone tuschech Johanne de Brus Henrico de Dundemor et multis alijs