Charter Document - 07550148
| Charter Number: | 07550148 |
|---|---|
| Cartulary Title: | Registrum de Panmure |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1190 - 1200 |
| Date type: | Assigned |
| Resource Link(s): |
People of Medieval Scotland |
Charter:
Comes David frater Regis Scottorum omnibus sancte matris ecclesie filijs presentibus et futuris salutem Sciatis me dedisse et concessisse et hac presenti carta mea confirmasse Deo et ecclesie sancti Thome de Abberbrothoc et monachis ibidem Deo servientibus pro animabus patris et matris mee et predecessorum et successorum meorum et anima mea et pro anima Matildis sponse mee unam carucatam terre in Kynalchmund mensuratam et arabilem cum communi pastura eandem scilicet quam Reginaldus de Listona et Ricardus Marescallus et Waldus clericus meus et Symon Flandrensis eis perambulaverunt in puram et perpetuam elemosinam liberam et quietam ab omni seculari servicio et exactione eis tenendam sicut aliqua abbacia liberius et quiecius et honorificencius aliquam elemosinam in regno Scocie tenet et possidet Hijs testibus Willelmo rege Scottorum fratre meo Henrico filio meo Ricardo capellano meo Bartholomeo monacho Malcolmo filio Bertolf Hugono do Kalledouer Willelmo vacel Walkelino filio Stephani Gilberto dolepene et Philippo clerico meo