Charter Document - 07550111
| Charter Number: | 07550111 |
|---|---|
| Cartulary Title: | Registrum de Panmure |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1329 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Robertus Dei gratia Rex Scottorum omnibus probis hominibus tocius terre sue salutem Sciatis nos concessisse et hac presenti carta nostra confirmasse donacionem illam quam Willelmus de Maule miles dominus de Panmore fecit Radulpho de Dunde militi de terris de Banevyn et de Balrotheri cum advocacione ecclesie ejusdem cum molendino et cum omnibus alijs justis pertinencijs ac ratificacionem approbacionem et confirmacionem Henrici de Maule militis filij et heredis Willelmi de Maule predicti factas Johanni de Glassrith filio et heredi quondam Radulphi de Dunde predicti de terris advocacione ecclesie molendino et omnibus alijs justis pertinencijs supradictis Tenendas et habendas eidem Johanni et heredibus suis vel suis assignatis de predictis Willelmo Henrico et eorum heredibus in feodo et hereditate per omnes rectas metas et divisas suas cum omnibus libertatibus commoditatibus aysiamentis et justis pertinencijs suis adeo libere et quiete plenaria et honorifice sicut carta predicti Willelmi et confirmacio predicti Henrici exinde confecte in se plenius juste proportant et testantur In cujus rei testimonium presenti carte nostre sigillum nostrum precepimus apponi Testibus Waltero de Twinham cancellario nostro Thome Ranulphi comite Moravie domino Vallis Anandie et Mannie nepote nostro Jacobo domino de Douglas Gilberto de Haya constabulario nostro Roberto de Keth marescallo nostro Scocie et Roberto Boyde militibus Apud Dunde quarto decimo die Aprilis anno regni nostri vicesimo quarto