Charter Document - 07550109

Sciant presentes et futuri me Henricum de Mawl filium et heredem domini Willelmi de Mawl ratificasse approbasse et hoc presenti scripto meo confirmasse pro me heredibus et assignatis meis Johanni de Glasserith filio et heredi quondam domini Radulphi de Dunde heredibus et assignatis suis illam concessionem et donationem quam dictus dominus Willelmus pater meus in bona memoria et in sua legia potestate fecit concessit seu dedit dicto domino Radulpho heredibus seu assignatis suis de terris de Banevy et de Balrothry cum jure patronatus seu advocationis ecclesie de Banevy molendino et omnibus alijs libertatibus juribus et aysiamentis ad dictas terras de Banevy et de Balrothry pertinentibus seu de jure vel consuetudine pertinere valentibus tam non nominatis quam nominatis prout in carta domini patris mei prelibati super eadem donatione et concessione per ipsum dicto domino Radulpho heredibus seu assignatis suis data et concessa plenius continetur pro quadam summa pecunie videlicet quadraginta marcis quam idem Johannes mihi contulit et soluit in mea magna necessitate preterea obligo me heredes et assignatos meos ad warantizandum acquietandum et defendendum dictas terras de Banevy et de Balrothry cum jure patronatus seu advocationis ecclesie de Banevy molendino et alijs libertatibus juribus et aysiamentis universis ad dictas terras spectantibus seu de jure vel consuetudine pertinere valentibus dicto Johanni heredibus seu assignatis suis contra omnes homines et feminas in perpetuum et etiam ad observandum et firmiter tenendum totum tenorem prefate carte domini patris mei prelibati in omnibus punctis suis et articulis In quorum omnium testimonium pro me heredibus et assignatis meis presenti carte sigillum meum apposui Hijs testibus nobili viro domino Willelmo comite Ross Roberto de Keth marescallo Scotie Waltero filio domini comitis Ross Waltero Sybandy thesaurario ecclesie Ross Henrico de Preston et multis alijs