Charter Document - 07550107
| Charter Number: | 07550107 |
|---|---|
| Cartulary Title: | Registrum de Panmure |
| Charter Language: | Latin |
| Charter Origin: | Lay |
| Charter Type(s): | Notification |
| Date: | 1312 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus has literas visuris vel audituris Henricus de Maul dominus de Panmore salutem in domino sempiternam Noveritis me recepisse a Johanne de Glasreth filio et herede quondam domini Radulphi de Dunde militis decem marcas bonorum et legalium sterlingorum de termino nativitatis beati Johannis Baptiste de triginta marcis in quibus mihi tenebatur pro confirmacione carte domini Willelmi de Maule patris mei facta quondam domino Radulpho de Dunde et heredibus suis de terris de Banevy et de Balrotheri cum suis pertinencijs de quibus uero decem marcis me teneo bene contentum et pacatum In cujus rei testimonium presentibus literis sigillum meum apposui Datum apud Abirbrothock die Jovis in festo apostolorum Petri et Pauli anno gratie millesimo tricentesimo duodecimo