Charter Document - 07550104
| Charter Number: | 07550104 |
|---|---|
| Cartulary Title: | Registrum de Panmure |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1293 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Noverint universi quod ego Willelmus de Maule dominus de Panemor volo et concedo pro me heredibus et assignatis meis quod per conventiones quas die Mercurij proximo post festum exaltationis Sancte Crucis anno Domini MCC nonagesimo tertio feci cum Radulpho de Donde super terris de Banevy et Balrothery carta principalis quam dictus Radulphus super dictis terris a domina matre mea habet cum assensu meo in nullo minus dicto Radulpho valeat nec sentencia lata contra me pro dicto Radulpho supra warantizationem dictarum terrarum minus robur habeat firmitatis nec per easdem conventiones aliquid excipere potero contra principalem cartam vel sentenciam predictam contra me latam nisi convenciones inter nos habite plenam ceperint execucionem In cujus rei testimonium presentibus literis sigillum meum apposui Datum apud Donde die Jovis proximo post festum exaltationis Sancte Crucis anno supradicto