Charter Document - 07550103
| Charter Number: | 07550103 |
|---|---|
| Cartulary Title: | Registrum de Panmure |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1293 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Anno Domini MCC nonagesimo tercio die Mercurij proximo post festum exaltationis Sancte Crucis in villa de Dunde facta fuit hec convencio inter Willelmum de Maule ex parte una et Radulfum de Dunde ex parte altera videlicet Quod idem Willelmus eidem Radulpho et heredibus suis vel suis assignatis confirmacionem domini Regis prout in carta sua plenius testatur sumptibus suis habere faciet de Banevile et Balrotheri Ita quod carta dicti Willelmi super dictis terris dicto Radulpho concessis in confirmacionem domini regis Scocie insectetur et idem Radulphus quietum faciet predictum Willelmum et heredes suos vel suos assignatos de septemdecim saccis lane quos quidem saccos idem Willelmus tenetur solvere Galfrido de Venali burgensi de Dunde cum omnibus dampnis et expensis factis usque in hunc diem et ulterius dictus Radulphus et heredes sui vel sui assignati solvent eidem Willelmo heredibus suis vel suis assignatis quinquaginta marcas bonorum et legalium sterlingorum si predicta fecerit si vero predicta non fecerit obligatio predicti Willelmi de predicta lana remaneat in suo robore et predicte quinquaginta marce remaneant non solute Et ut iste convenciones fideliter teneantur infra Pentecosten proximo futurum utraque pars se obligat parti servanti istam convencionem pars que inventa fuerit deficiens in ducentis libris sterlingorum sine aliquo strepitu solvendis In cujus rei testimonium huic indenture alternatim sigilla sua apposuerunt Datum apud Dunde anno et die supradictis