Charter Document - 07550102
| Charter Number: | 07550102 |
|---|---|
| Cartulary Title: | Registrum de Panmure |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1292 |
| Date type: | Assigned |
| Resource Link(s): |
People of Medieval Scotland |
Charter:
Sciant presentes et futuri quod ego Willelmus de Maule dominus de Panemore dedi concessi et hac presenti carta mea confirmavi Radulpho de Dunde Baneuil et Balrotheri cum advocacione ecclesie ejusdem loci cum molendino et omnibus alijs pertinenciis seu pertinere valentibus Tenendas et habendas dicto Radulpho et heredibus suis et suis assignatis et assignatorum heredibus de me et heredibus meis vel meis assignatis libere quiete plenaria honorifice sine secta ad aliquam curiam regis vel alterius wardis et relevijs Reddendo ipse et sui michi et meis annuatim ad Pentecosten sex denarios pro omnimodis servicijs exaccionibus secularibus seu de mandis Et ego predictus Willelmus et heredes mei et assignati mei de Panemore predicto Radulpho et heredibus suis seu suis assignatis predictas terras ita libere ut dictum est pro predicta firma warantizabimus acquietabimus et nostris expensis inperpetuum defendemus contra omnes homines et feminas Et pro defectu warantizacionis si aliquo tempore contingat dicto Radulpho et suis ad omnia dampna sua seu suorum tenebimur et nos teneri obligamus In cujus rei testimonium presenti carte sigillum meum apposui Hiis testibus domino Nicholao de Haye Normanno de Lessely Mauricio de Menthet Mauricio de Tyri Laurencio Moricij clerico et multis alijs