Charter Document - 07550100
| Charter Number: | 07550100 |
|---|---|
| Cartulary Title: | Registrum de Panmure |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1292 |
| Date type: | Assigned |
| Resource Link(s): |
People of Medieval Scotland |
Charter:
Sciant presentes et futuri quod ego Willelmus de Maule dominus de Panemore dedi concessi et hac presenti carta mea confirmavi Radulpho de Dunde Banevi et Balrothri cum advocacione ecclesie ejusdem loci cum molendino et omnibus alijs pertinencijs seu pertinere valentibus Tenendas et habendas dicto Radulpho et heredibus et suis assignatis ad feudo firmam libere quiete plenaria et honorifice sine secta ad aliquam curiam regis vel alicujus alterius wardis et relevijs auxilijs in exercitu et alijs et forinseco domini Regis seu alterius Reddendo ipse et sui michi et meis et assignatorum heredibus de me et heredibus meis vel meis assignatis annuatim ad Pentecosten sex denarios ad feudofirmam pro omnimodis alijs servicijs exaccionibus secularibus seu de mandis Et ego predictus Willelmus et heredes mei et assignati mei de Panmore predicto Radulpho et heredibus suis et suis assignatis predictas terras ita libere ut dictum est pro predicta feudo firma warantizabimus acquietabimus et nostris expensis in perpetuum defendemus contra omnes homines et feminas Ac pro defectu warantizacione si aliquo tempore contingat dicto Radulpho et suis ad omnia dampna sua seu suorum tenebimur et nos teneri obligamus et meos heredes et assignatos de Panmore ad istam per presentem cartam obligo In cujus rei testimonium presenti carte sigillum meum apposui Hiis testibus domino Northmano de Lesly Mauricio de Menthet Mauricio de Tiri Laurencio filio Johannis Mauricij et multis alijs