Charter Document - 07550099
| Charter Number: | 07550099 |
|---|---|
| Cartulary Title: | Registrum de Panmure |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1292 |
| Date type: | Internal, A.D., Feast |
| Resource Link(s): |
Reference Document for this Embedded Document People of Medieval Scotland |
Charter:
Sciant omnes quod nos Willelmus de Maull dominus de Pannemore traximus Radulphum de Dunde et Rogerum de Pillemur in plegios et principales debitores quemlibet in solidum contra Galfridum dominum de Venali burgensem de Dunde super septemdecim saccis lane eidem Galfrido solvendis quos quidem saccos lane sic dicto Galfrido solvendos per dictos Radulphum et Rogerum et quemlibet eorum reddemus indemnes et indemnem Et si in aliquo predictorum defecerimus volumus et concedimus pro nobis et heredibus nostris quod omnia et singula dampna petant et a nobis habeant dicti Radulphus et Rogerus seu alter eorum habeat que posita sunt in principali obligacione et que Galfridus de Venali a nobis petere poterit et preter hec quod habeant seu habeat omnes expensas quas circa hec fecerint seu fecerit Ad que singula tenenda obligamus nos omnes bona nostra et heredes nostros ad dictam convencionem tenendam nullo proponendo obstante In cujus rei testimonium presentibus literis sigillum nostrum apposuimus Datum apud Dunde die Mercurij proximo post festum sancti Bartholomei apostoli anno gratie millesimo CC nonogesimo secundo