Charter Document - 07550095

Edwardus Dei gratia Rex Anglie Dominus Hybernie et Dux Aquitanie omnibus ad quos presentes littere pervenerint salutem Cum dilecta nobis in Christo Christina de Valonijs que de nobis tenet in capite dederit et concesserit Deo et beate Marie et capelle Sancti Nicholai site in curia ipsius Cristine apud Sheringe ad sustentacionem duorum capellanorum divina in eadem capella in perpetuum celebrantium pro anima domini Henrici Regis patris nostri et pro nobis et heredibus nostris et pro eadem Christina et heredibus suis et pro pace et stabilitate regni nostri unum mesuagium et triginta et sex acras terre et unam rodam octo acras prati et quinque solidatas redditus cum pertinencijs in Sheringe et undecim libratas sex solidatas et octo denariatas redditus percipiendas singulis annis per manus Prioris de Binham vel ejus certi nuncij apud Scheringe unde quadraginta solidi proveniunt de ducentis et quinquaginta et una ovibus in manu predicti prioris per prefatam Cristinam perpetuaturis et residue quatuordecim marce proveniunt de quodam parvo dominico et parvo villenagio et homagio ipsius Cristine in Dersingham que ipsa tenet de nobis et de Roberto de Tateshale ac eadem Cristina in recompensacionem premissorum emerit sibi et heredibus suis novem libratas decem solidatas et novem denariatas terre et redditus cum pertinencijs in Sheringe Herthfordingebury et Hertford infra feodum suum et nostrum ibidem Tenendum de nobis in capite sicut terre et tenementa que ipsa dedit predictis capelle et capellanis de nobis in capite tenebantur sicut per extentam quam per dilectos et fideles nostros Willielmum de Burleye et Gaufridum de Boyngg fieri fecimus compertum est Nos donacionem et concessionem predictas ratas habentes et gratas eas pro nobis et heredibus nostris quantum in nobis est concedimus et confirmauimus sicut carta predicte Cristine quam predicti capellani inde habent et inspeximus rationabiliter testatur In cujus rei testimonium []