Charter Document - 07550094
| Charter Number: | 07550094 |
|---|---|
| Cartulary Title: | Registrum de Panmure |
| Charter Language: | Latin |
| Charter Origin: | Religious |
| Charter Type(s): | Appointment |
| Date: | 1278 |
| Date type: | Internal, A.D., Feast |
| Resource Link(s): |
|
Charter:
Universis Christi fidelibus presens scriptum visuris vel audituris Cristina de Valonijs salutem in Domino Noveritis me assignasse et attornasse pro me et heredibus meis in viduitate et ligia potestate mea Agnetem de Say de Dersinham quod faciat de cetero Priori et Conventui de Binham et eorum successoribus in perpetuum homagium et servitia omnimoda que michi et antecessoribus meis ipsa Agnes et antecessores sui facere debuerunt et consueverunt Ita quod nec ego predicta Cristina nec aliquis heredum meorum nullam exaccionem vel demanda eidem Agneti vel ejus heredibus racione dictorum homagij vel serviciorum de cetero facere possimus nec debeamus In hujus rei testimonium presenti scripto sigillum meum apposui Datum Londoniis die Lune proxima post festum sancti Martini anno Domini millesimo ducentesimo septuagesimo octavo