Charter Document - 07550093
| Charter Number: | 07550093 |
|---|---|
| Cartulary Title: | Registrum de Panmure |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1277 |
| Date type: | Internal, A.D., Feast |
| Resource Link(s): |
|
Charter:
Christiana de Valonijs omnibus hominibus suis tam liberis tenentibus quam alijs de se tenentibus in Dersingham salutem in Domino sempiternam Noveritis me constituisse et attornasse Petrum filium Johannis Senescalli nostrum latorem presencium certum attornatum nostrum ad ponendum fratrem Robertum de Waltham Priorem de Binham in plena seysina omnium terrarum et tenementorum nostrorum cum suis pertinentijs in Dershinham prout continetur in carta quam de nobis habet de feodo firma de septemdecim marcis sterlingorum nobis annuatim solvendis Quare vobis supplicamus et volumus quatinus eidem Priori et ejusdem loci Conventui et eorundem successoribus in omnibus sitis de cetero intendentes et respondentes sicut et nobis intendere et respondere consuevistis In cujus rei testimonium has litteras nostras eidem Petro fieri fecimus patentes Datum apud Shering die Dominica proxima post festum Sancti Leonardi Confessoris anno gratie millesimo ducentesimo septuagesimo septimo