Charter Document - 07550092

Hec est convencio facta inter Christianam de Valonijs ex parte una et Robertum Priorem de Binham et ejusdem loci Conventum ex altera videlicet quod predicta Christiana in viduitate et legia potestate sua pro se et heredibus suis voluntate et assensu Willielmi filij sui et heredis concessit et ad perpetuam firmam dimisit Deo et Ecclesie beate Marie de Binham et monachis ibidem Deo servientibus et servituris duas partes capitalis mesuagij et sexaginta acras terre cum pertinencijs suis in Dersingham cum omnibus terris et tenementis homagijs et servicijs wardis et escaetis reditibus et relevijs pascuis et bruerijs stagnis et vivarijs pratis et maresijs et omnibus libertatibus et aysiamentis que predictam Christianam contigerunt vel aliquo jure contingere potuerunt una cum illa porcione bosci quam habuit in Babingle Habendas et tenendas de predicta Christiana et heredibus suis predictis Ecclesie de Binham et monachis ita libere et quiete sicut prenominata Christiana vel aliquis antecessorum suorum liberius et quietius predictas terras et tenementa tenuerunt Reddendo inde annuatim principali capellano in capella sancti Nicolai in curia de Sheringge constructa servienti et servituro in perpetuum et ejus successoribus septemdecim marcas argenti nomine perpetue firme ad duos anni terminos scilicet ad festum purificacionis beate Marie octo marcas et dimidiam ad festum nativitatis beati Johannis Baptiste octo marcas et dimidiam pro omnibus servitijs consuetudinibus sectis curie et de mandis et Faciendo capitalibus dominis feodi servicia debita et consueta predictas terras et tenementa contingencia Et predicta Christiana et heredes sui warantizabunt prenominatis Ecclesie et monachis de Binham omnes predictas terras et tenementa cum pertinencijs suis sicut predictum est per predictam firmam antedictis terminis apud Sheringge dicto principali capellano annuatim solvendam contra omnes gentes in perpetuum Concedunt etiam predicti Prior et Conventus pro se et successoribus suis si in solucione predictarum septemdecim marcarum ad terminos statutos defecerint quod predictus capellanus qui pro tempore in dicta capella deservierit possit in terras predictas de Dersingham cum pertinencijs suis pacifice intrare et de bonis in eis inventis plenarium habere administracionem et nichil predictis Priori et Conventui allocabitur donec predicto capellano tam de firme predicte arreragijs quam de dampnis et expensis plenaria fuerit satisfactum In cujus rei testimonium parti residenti versus dictos Priorem et Conventum predicta Christiana sigillum suum una cum sigillo predicti Willielmi filij sui apposuit et predicti Prior et Conventus parti residenti versus dictam Christianam sigilla Capituli sui apposuerunt Hijs testibus magistro Thome de Ingaldesthorp tunc archidiacono Middelsex domino Johanne de Ingaldesthorp domino Willielmo de la Rokele domino Herveo de Stanho domino Rogero de Thoftes domino Ricardo de Herlawe militibus Petro filio Johannis Johanne de Gelham Henrico de Essex Moyse de Waltham Roberto de Westle et multis alijs