Charter Document - 07550090
| Charter Number: | 07550090 |
|---|---|
| Cartulary Title: | Registrum de Panmure |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1209 - 1235 |
| Date type: | Assigned |
| Resource Link(s): |
People of Medieval Scotland |
Charter:
Willelmus miseracione divina ecclesie sancti Andree apostoli minister humilis omnibus sancte matris ecclesie filijs presens scriptum visuris vel audituris eternam in Domino salutem Noverit universitas vestra nos pietatis intuitu dedisse concessisse et hac carta confirmasse Deo et fabrice ecclesie sancti Andree nomine simplicis beneficij viginti marcas annuas in ecclesia de Sconin percipiendas annuatim per manum ministrantis in dicta ecclesia de Sconin videlicet decem marcas ad Pentecosten et decem marcas ad festum sancti Martini Quare volumus ut predicte viginti marce annuatim illi qui ex parte prioris et conventus dicte fabrice ecclesie preerit sine omni dilacione et cavillacione persolvantur Volumus insuper ut persone qui pro tempore in eadem ecclesia de Sconin ad presentacionem prioris et conventus fuerint institute ad solucionem dictarum viginti marcarum sacramento corporaliter prestito se obligent sub pena centum solidorum quolibet mense solvendorum quo in solucione dictarum viginti marcarum fuerit cessatum Et in hujus rei testimonium presenti scripto sigillum nostrum apposuimus Hiis testibus Magistro Laurentio archidiacono sancti Andree Domino Willelmo archidiacono Laodonie Magistro Alexandro de sancto Martino Magistro Dunecano Magistro Johanne de Mellento Domino Roberto capellano Ricardo de Kelchou Johanne de Maule et Johanne de Golin et Willelmo de Inverkethin clericis nostris et multis alijs