Charter Document - 07550088
| Charter Number: | 07550088 |
|---|---|
| Cartulary Title: | Registrum de Panmure |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1235 - 1238 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris ecclesie filijs presens scriptum visuris vel audituris Willelmus permissione divina ecclesie sancti Andree minister humilis eternam in Domino salutem Noveritis quod cum nobis de facultatibus vicarie de Hadinthona plenius constaret per viros fidedignos qui eam de mandato nostro estimaverunt taliter de ipsa duximus disponendum videlicet Quod oblaciones obventiones totius parochie de vivis et de mortuis tam de capellis quam de matrice ecclesia et omnes decime negociacionis burgensium et aliorum negociatorum et conductivorum et decime ortorum infra burgum cum medietate feni et domus juxta ecclesiam in qua vicarius residere consueuerat in usus et sustentacionem vicarij cedant Quare volumus et episcopali auctoritate statuimus ut vicarii qui pro tempore fuerint in ecclesia de Hadinthona instituendi supradictis porcionibus sint contenti qui nobis et successoribus nostris de episcopalibus respondebunt omnes uero terre decime et omnia alia bona quocumque modo ad supradictam ecclesiam de Hadingthona de jure spectancia que superius specialiter non expressimus in proprios usus canonicorum sancti Andree in perpetuum convertantur Et ut hec nostra ordinacio robur perpetue firmitatis obtineat presens scriptum sigilli nostri apposicione duximus corroborandum Testibus Magistro Laurentio archidiacono sancti Andree Domino Willelmo archidiacono Laudonie Magistro Alexandro de sancto Martino Magistro Johanne de Mellinto Magistro Duncano Ricardo de Kelchou Willelmo de Inverkethin Johanne de Maulia et Baldwino clericis nostris Roberto capellano de Methphen Roberto de Liston capellanis nostris et multis alijs