Charter Document - 07550087

Omnibus Christi fidelibus presentem cartam visuris vel audituris Cristiana de Valonijs salutem in Domino sempiternam Universitati vestre notum facio me in pura viduitate mea dedisse concessisse et hac presenti carta mea confirmasse dilecto et fideli meo Joanni de Lydel pro homagio et servitio suo totam terram meam de Balbanein et Panlathyn quam accepi in escambio de domino Henrico de Balyoll milite scilicet totam terram de Balbanin et Panlathyn quam dominus Petrus de Maulea quondam vir meus et ego Thome de Lydel patri dicti Johannis dedimus et concessimus Tenendam et habendam dicto Joanni et heredibus suis vel suis assignatis vel quibuscunque vendere voluerit vel legare exceptis viris religiosis et Judeis de me et heredibus meis in feodo et hereditate libere quiete plenaria et pacifice cum omnibus pertinentijs suis et libertatibus in bosco et plano pratis et pasturis moris et mariscjs stagnis et molendinis et omnibus alijs aisiamentis ad dictam terram pertinentibus vel de jure pertinere valentibus Reddendo inde pro nobis domino Comiti de Anegus et heredibus suis tres solidos annuatim qui pro dicta terra reddi tenentur ad Pentecosten salvo etiam forinseco servitio quantum pertinet ad dictam terram Reddendo et mihi et heredibus meis pro recognitione dicte terre unum nisum rubeum vel sex denarios annuatim ad pentecosten pro omni servitio exactione et demanda Et ego vero Christiana et heredes mei totam predictam terram cum omnibus pertinentijs ut predictum est dicto Joanni et heredibus vel assignatis suis contra omnes homines et feminas in perpetuum warantizabimus et defendemus et ut hec mea donatio concessio atque presentis carte mee confirmatio perpetuum robur obtineat hanc cartam sigilli mei munimine roboravi His testibus Domino David Betun Robert Betun Joanne de Glenesk Adam de Rethereth militibus Waltero de Blueskiner Joanne Ymfort Beel de Glacelester Adam de Jnrepessri et multis alijs