Charter Document - 07550086

Anno gratie millesimo ducentesimo quinquagesimo quarto cum mota esset controversia inter dominum Abbatem et Conventum de Aberbrothoc ex una parte et dominum Petrum de Maulia dominum de Pannemor et Christinam sponsam ejus ex altera super limitibus quarundam terrarum dictorum Abbatis et Conventus de Conan et de Tulach limitantium cum terris predictorum Petri et Christine et heredum eorum de Panemor et cum dominus Rex per literas suas preceptorias domino Alexandro Cumyn Comiti de Buchan justiciario Scocie dedisset in mandatis quod fines dictarum terrarum et terminos per probos viros et fideles secundum justiciam et assisam terre sue juste faceret perambulare tandem partibus convenientibus die Sancti Albani Martiris anno predicto super Carnconnan mediantibus prudentibus viris nobilibus et discretis videlicet domino Willelmo de Brechine Gilberto de Haia Roberto de Montealto et alijs per ordinationem communem partis utriusque ita lis inter partes amicabiliter conquievit scilicet quod predicti Petrus et Cristina et eorum heredes pro bono pacis interveniente amicabili et finali concordia nomine perambulationis inter partes ac si eodem die predicte fines per assisam terre perambulate fuissent omne jus et clameum quod habebant vel habere poterant in terris de Brekkes sicut eodem die cum suis limitibus et terminis ostense fuerunt et post pacem reformatam concesse pro se et heredibus suis Deo et ecclesie beati Thome Martiris de Aberbrothok et monachis ibidem Deo servientibus presentibus domino Albino Dei gratia episcopo Brechinensi domino Nicholao de Mowbray et alijs quam pluribus laicis et clericis fidelibus una cum predictis nobilibus quietum clamaverint ab omni exactione consuetudine et seculari demanda in perpetuum et predictam terram ab omnibus regalibus servicijs defendent per istas divisas subscriptas Incipiendo scilicet a rivulo qui dicitur Eloth et sic ascendendo ad vascellum usque ad rivulum qui dicitur Letrath et sic ascendendo per id vascellum usque ad orientalem partem de Crundalay et sic ascendendo ad petram que fixa est in capite de Kelwad et ita descendendo siket ad mariscam Gamell et ita per rivulum versus orientem usque ad communem stratam que tendit ad terminum terre domini Eustachij de Balliol ita quod dicti Abbas et Conventus solvent dictis Petro et Cristine et eorum heredibus vel assignatis de dicta villa de Brekkis annuatim duas marcas argenti ad duos terminos scilicet ad Pentecosten et ad festum sancti Martini in hyeme et si dicti Abbas et Conventus cessaverint a dicta solutione dictarum duarum marcarum ad aliquem terminum liceat dictis Petro et Christine et eorum heredibus vel assignatis sine aliqua licentia petenda namos Abbatis et hominum suorum pro eodem capere debito non reperiendos usque eisdem de predictis duabus marcis plenaria fuerit satisfactum Preterea dicti Abbas et Conventus quietos clamaverunt in perpetuum pro se et successoribus suis dictis Petro et Cristine et heredibus suis viginti solidos annuos quos petebant de terra de Skryn in feodo dictorum Petri et Cristine et heredum eorum Ad hec autem omnia sicut superius notata sunt fideliter observanda Abbas cum Priore pro se et eorum conventu et predicti Petrus et Cristina pro se et eorum heredibus in manu A archidiaconi Brechinensis fide media se obligaverunt renunciando omni exceptioni competenti et competiture impetratione a Sede Apostolica et Regia potestate facienda que in aliquo modo dictam conventionem poterint infirmare ut omnia predicta sicut bona fide concorditer acta sunt ex utraque parte firma et stabilia preservarent Et sciendum quod quedam terrula que habebatur pro locis quibusdam pro termino predictorum Abbatis et Conventus ex una parte et dictorum Petri et Cristine et eorum heredum ex altera et quoddam vascellum relinquetur pro communi pastura inter utrasque nullo homine utriusque partis inde brueram aliquo tempore eradicant vel asportant Item sciendum quod hec sunt divise inter Tulach et Pannemor quedam strata que jacet inter Kynnard et Tulach et sic descendendo ad quoddam vadum quod dicitur Athroby contingente vero quod aliqua partium a predictis aliquo tempore voluerit resilire altera pars predicta fideliter observans ei nullatenus respondebit antequam refundat centum libras legalium sterlingorum nomine pene adjectas de consensu utriusque partis parti predicta fideliter observanti Et ut omnia supradicta robur firmitatis in perpetuum obtineant huic scripto in modum cyrographi confecto apposita sunt sigilla partium ad invicem una cum sigillo dicti domini Justiciarij Testibus viris venerabilibus prenominatis Magistro Nicholao de Hedon decano Moraviensi domino Johanne Wischard domino Henrico milite socio dicti domini Petri de Maull Duncano de Fethyn Rogero de Balcathin Duncano judice Malys de Edviyn Eustachio de Glasletter Duncano de Dunny et multis alijs