Charter Document - 07550076
| Charter Number: | 07550076 |
|---|---|
| Cartulary Title: | Registrum de Panmure |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1217 - 1219 |
| Date type: | Assigned |
| Resource Link(s): |
People of Medieval Scotland |
Charter:
Alexander Dei gracia Rex Scottorum omnibus probis hominibus totius terre sue clericis et laicis salutem Sciant presentes et futuri me concessisse et hac carta mea confirmasse amicabilem composicionem factam apud Forfar in presencia domini Regis Willelmi patris mei et in plena curia sua inter Willelmum episcopum Sancti Andree et Dawid de Haya super controversijs que vertebantur inter eos super terra de Ecclesduenauin et jure patronatus ecclesie de Erol Quare volo et firmiter precipio ut predicta amicabilis compositio sicut inter eos facta est firmiter teneatur et inviolabiliter observetur sicut cyrographum inter eos inde factum et confirmacio domini Regis Willelmi inde facta predicto David de Haya testantur salvo servicio meo de predicta terra Testibus Willelmo de Boscho cancellario meo Willelmo de Valoniis camerario meo Philippo de Mubry Willelmo de Munfichet Galfrido filio Ricardi Johanne de Moravia Waltero Cumin Roberto de Saincler Apud Cloinyn v die Marcii