Charter Document - 07550073
| Charter Number: | 07550073 |
|---|---|
| Cartulary Title: | Registrum de Panmure |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1198 - 1200 |
| Date type: | Assigned |
| Resource Link(s): |
People of Medieval Scotland |
Charter:
Willelmus Dei gratia rex Scottorum episcopis abbatibus comitibus justiciarijs vicecomitibus prepositis ministris et omnibus probis hominibus totius terre sue clericis et laicis salutem Sciant presentes et futuri me reddidisse et concessisse et hac carta mea confirmasse Willelmo de Valonijs filio Philippi de Valonijs terras illas in Scotia quas eidem Philippo patri ejus dedi scilicet Banevin per rectas divisas suas et cum omnibus justis pertinenciis suis et Pannemor per rectas divisas suas et cum omnibus justis pertinenciis suis Tenendas sibi et heredibus suis de me et heredibus meis in feudo et hereditate in bosco et plano in terris et aquis in pratis et pascuis et moris et mossis et marisiis in stagnis et molendinis in vivarijs et piscarijs in viis et semitis in sabulis et salinis in portubus et cum omnibus aliis ad predictas terras juste pertinentibus cum socca et sacca cum furca et fossa cum thol et them et infangenthef libere et quiete plenaria et honorifice per servitium dimidii militis sicut carta predicti Philippi de Valonijs patris sui testatur Testibus Rogerus episcopo Sancti Andree Joanne episcopo Dunkeldensi Ricardo episcopo Moravie Comite Patricio Comite Dunecano de Fif Comite Gilleberto de Stradheren Rollando filio Uchtredi constabulario Willelmo de Lindeseia Roberto de Quinci Willelmo Cumin Willelmo de Bruis Willelmo de Haia Johanne de Hastingis Willelmo Giffard Rogero de Mortemari Alexandro vicecomite de Striveling Ricardo filio Hugonis Philippo de Lundin Apud Strivelin