Charter Document - 07550071
| Charter Number: | 07550071 |
|---|---|
| Cartulary Title: | Registrum de Panmure |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1247 - 1250 |
| Date type: | Assigned |
| Resource Link(s): |
Reference Document for this Embedded Document People of Medieval Scotland |
Charter:
Omnibus hoc scriptum visuris vel audituris Ysabella de Valoniis domina de Killebrid salutem in Domino Noveritis me dedisse concessisse et presenti carta confirmasse Deo et beato Kentegerno et ecclesie Glasguensi pro salute anime mee parentum et successorum meorum et pro anima domini David Comyn mariti mei jam defuncti quindecim libratas terre in feodo de Kirkpatrick scilicet totam terram meam que vocatur foresta de Dalkarn prout hodie extenta est vel secundum visum proborum virorum extendi poterit si venerabilis pater episcopus Glasguensis hoc elegerit et quod deerit de quin decem libratis in terra predicta de Dalkarn in proxima terra mea eidem terre de Dalkarn conjuncta loco competenti assignabo Quas terras volo ut ecclesia Glasguensis et venerabilis pater episcopus ejusdem ecclesie et successores sui teneant et possideant in liberam puram et perpetuam elemosinam ita libere quiete plenaria et honorifice sine omni servitio intrinseco et extrinsecus et sine omni exactione et demanda sicut aliqua elemosina in regno Scotie liberius quietius plenius et honorificentius tenetur et possidetur Ego autem et heredes mei pro omni servitio et demanda dictas terras contingentibus inperpetuum respondebimus et ecclesiam acquietabimus et dictas terras ecclesie predicte episcopo qui nunc est et successoribus suis in perpetuum warantizabimus et defendemus In cujus rei testimonium presenti scripto sigillum meum apposui hijs testibus fratre David priore fratrum predicatorum de Are fratre Roberto de Irewin domino Willelmo de Valonijs fratre meo Willelmo de Mortuo Mari decano et Reginaldus de Irewyn archidiacono Glasguensi domino Radulfo capellano canonico Glasguensi