Charter Document - 07550064
| Charter Number: | 07550064 |
|---|---|
| Cartulary Title: | Registrum de Panmure |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1195 - 1196 |
| Date type: | Assigned |
| Resource Link(s): |
|
Charter:
Willelmus Dei gracia rex Scottorum episcopis abbatibus comitibus baronibus justiciarijs vicecomitibus prepositis ministris et omnibus probis hominibus tocius terre sue clericis et laicis salutem Sciant presentes et futuri me concessisse et hac carta mea confirmasse David de Haia filio Willelmi de Haia Herol per rectas divisas suas et cum omnibus justis pertinencijs suis Tenendam sibi et heredibus suis de me et heredibus meis in feudo et hereditate in bosco et plano in terris et aquis in pratis et pascuis in moris et mariscjs in stagnis et molendinis in vivarijs et piscariis et omnibus aliis ad predictam terram juste pertinentibus cum socca et sacca cum furca et fossa cum tol et them et infangenthef libere et quiete plenaria et honorifice per servicium duorum militum Quare volo et firmiter precipio ut prefatus David et heredes sui prenominatam terram de Herol teneant et possideant de me et heredibus meis ita libere et quiete plenaria et honorifice sicut alii barones mei feuda sua liberius quiecius plenius et honorificentius tenent et sicut carta mea patri suo facta testatur Testibus Jocelino Glasguensi episcopo Hugone cancellario meo Radulfo Waltero capellanis meis comite Patricio comite Dunecano Willelmo de Morvill constabulario Roberto de Quinci Philippo de Valoniis camerario Alano filio Walteri dapifero David de Valoniis Hugone de Graham Roberto de Landelis Thome Tancard Adam filio Gilleberti Willelmo Flandrensi Thome de villa Colbani Rogero de Kerneil Herberto marescallo Apud Jeddewurde xvii die Septembris