Charter Document - 07550049
| Charter Number: | 07550049 |
|---|---|
| Cartulary Title: | Registrum de Panmure |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1154 - 1184 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Christiana de Maundeville salutem Roberti de Valonijs avi mei et Roberti filij Walteri patris mei Gunnore uxoris sue matris mee inherens vestigijs in mea pura viduitate et legia potestate concessi et hac presenti carta mea confirmavi Deo et Sancte Marie de Binham et monachis ibidem manentibus Deo devote servientibus in liberam puram et perpetuam elemosinam illas quinque marcas annuatim de ecclesia de Baketona in Suffolchia percipiendas quas Robertus filius Walteri pater meus et Gunnora mater mea eisdem monachis contulerunt et concesserunt sicut in literis episcoporum Norwicensis ecclesie testificatur Hanc itaque concessionem donacionem et confirmacionem feci pro anima Willelmi de Maundeville comitis Essexie quondam mariti mei et pro animabus Roberti filij Walteri patris mei et Gunnore uxoris sue matris mee et pro animabus omnium parentum meorum de quorum progenie exorta sum Hujus autem concessionis donacionis et confirmacionis hij sunt testes Dominus Bartholomeus de Crek Dominus Philippus de Snaringges Dominus Walterus de Seynt Flaunteys Dominus Johannes filius Bernardi et Isabella de Camine uxor sua Dominus Radulfus filius Thorel de Wodedalling Willelmus et Rogerus filij predicti Radulfi Thomas de Gelham Johannes de Schuldham Howardus de Wictona Willelmus Valtre Wymerus vicecomes Northfolchie Ricardus de Mortuo Mari Gondreda de Warenne soror mea et multi alij