Charter Document - 07550041
| Charter Number: | 07550041 |
|---|---|
| Cartulary Title: | Registrum de Panmure |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1200 - 1227 |
| Date type: | Assigned |
| Resource Link(s): |
|
Charter:
Universis Christi fidelibus ad quos presens scriptum pervenerit Christiana de Maundewille comitissa Essexie salutem in Domino Noverit universitas vestra me pro salute animarum Willelmi de Maundewille comitis Essexie et Reymundi de Burgo quondam virorum meorum et omnium antecessorum meorum dedisse concessisse et hac mea presenti carta confirmasse deo et ecclesie beate Marie de Binham et monachis ibidem Deo servientibus in liberam puram et perpetuam elemosinam quinquaginta solidatas redditus in villa de Dersingham cum corde meo in terris homagijs et bruariis extensis videlicet viginti acras terre que vocantur Elswinesbrech et abbutant super terram Thome de Gelham versus occidentem et super terram prioris de Binham versus orientem Item super Northfeld quinque rodas terre inter terram domini Galfridi de Snaring et terram Johannis de Schuldham Item super Northfurlong Attegore unam acram terre inter terram Folkwy filij Bonde et terram Andree carpentarii Item ad Hyrchunesmeyne unam rodam terre juxta terram Petri de Scharnebrunne Item super Buxstifurlong Attegore unam rodam terre et dimidiam juxta terram Rogeri Brice Item tres rodas terre et dimidiam juxta terram Alexandri Le Vacher Item tres rodas terre et dimidiam juxta terram Elyoth de Dogking Item dimidiam acram terre ad portam Willielmi Herre inter terram Andree carpentarij et terram Johannis husebonde Item terram Sigille vidue cum ipsa Sigilla et tota sequela sua in perpetuum Item totam bruariam inter Chiminum quod extendit se a villa de Dersingham versus Brecham et brueriam de Arremere in latitudine et extendit se in longitudine a terra prioris de Binham que vocatur le Breche usque ad regiam stratam que vocatur Ykenildesthrethe cum liberis introitibus et exitibus et omnibus aisiamentis Et ego prefata Christiana et heredes mei warantizabimus acquietabimus et defendemus omnia prenominata predictis monachis sicut liberam puram et perpetuam elemosinam contra omnes homines in perpetuum Hijs testibus Galfrido filio Petri de Schuldham Symone filio Hugonis de Schuldham Roberto Wyne Thome de Gelham Reginaldo fratre suo Johanne de Schuldham Symone filio Hugonis et alijs