Charter Document - 07550035
| Charter Number: | 07550035 |
|---|---|
| Cartulary Title: | Registrum de Panmure |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1112 - 1142 |
| Date type: | Assigned |
| Resource Link(s): |
|
Charter:
Noverit universitas vestra me dedisse et concessisse et presenti carta confirmasse Deo et ecclesie Sancte Marie de Binham et monachis ibidem Deo servientibus in liberam et perpetuam elemosinam sexaginta acras terre in Westleia liberas penitus et immunes ab omni seculari servicio consuetudine et exaccione inperpetuum Hanc autem facio donacionem pro anima Rogeri de Valoniis domini mei et pro anima Pagani fratris mei nec non pro salute mea propria et pro animabus omnium parentum antecessorum meorum omniumque amicorum meorum tam vivorum quam defunctorum Volo igitur et concedo quatinus eadem elemosina sit ut predictum est omnino libera et quieta erga me et heredes meos et erga omnes homines nichil mihi vel heredibus meis inde reservans in perpetuum nisi oraciones fratrum predictorum Hijs testibus Nicholao capellano meo Ricardo Aguilun Radulfo de Cublewurd Symone dispensatore Willielmo medico Huberto Willielmo Bikewyn Petro Bruno Hamone clerico de Wileton Urbano de Chanton Willelmo Comyn Ranulfo facato Hamone filio Michaelis et multis alijs