Charter Document - 07550018

Notum sit omnibus fidelibus tam presentibus quam futuris quod ego Robertus de Valonijs consilio domine Agnetis matris mee et Hadewise uxoris mee et omnium hominum et amicorum meorum concessi Deo et sancte Marie et sancto Albano et monachis apud Binham Deo servientibus et hac mea presenti carta confirmavi totam donacionem quam Petrus de Valoniis avus meus et Rogerus pater meus et Petrus de Valoniis frater meus et domina Agnes mater mea vel aliqui hominum fecerunt ecclesie sancte Marie de Binham et monachis ejusdem loci videlicet ipsam ecclesiam de Binham totumque manerium in terris pratis silvis marisco et homagio et ecclesiam de Dersingham cum omnibus pertinencijs suis et ecclesiam de Westleia cum omnibus pertinencijs suis et ecclesiam de Berneia cum suis omnibus pertinencijs et dimidiam Berneiam in terris pratis silvis bruerio turbario et homagio et dimidiam ecclesiam de Walsingeham cum omnibus ad eam pertinentibus et canteriam ejusdem ecclesie et duas carucatas terre in dominium in eadem villa que carucate continent in se novies viginti acras et totum homagium quod pertinebat ad dominium Hunfridi et molendinum et prata et totum homagium et terram et mariscum quod est in villa de Welles et in villa de Gunethorp et totum dominium de feudo meo in Egeffeld et homagia et nemora et alneta et warennam ejusdem ville et dua mesuagia in Lundon Concessi etiam jam dictis monachis et confirmavi donaciones quas fecerunt mei milites ecclesie de Binham videlicet ex dono Agnetis de Munpincun et Radulfi filii ejus duas annuas de molendino de Magna Ryburg marcas ex dono Radulfi filij Thuroldi ecclesiam de Wodedallingg cum omnibus ad eam pertinentibus et totum tenementum quod fuit Willielmi fratris Petri in eadem villa quod clerici de Wodedallinge Rogerus et Paganus tenuerunt tantum in vita sua de predictis monachis pro tribus annuis solidis et tres acras terre in Britrichescroft et totum molendinum de Dallinge et ecclesiam de parva Ryburg cum omnibus pertinencijs et decimis molendinorum ejusdem ville et octo acras terre cum mesuagio et ceteris omnibus alijs liberis terris et in eadem villa de Ryburg quadraginta acras terre quas Petrus filius Radulfi tenuit in vita sua tantum de ecclesia de Binham pro duobus solidis per annum et ex dono Adam filii Alwredi septem acras terre arabilis et unam prati in Inguluesthorp Preter hec concessi eisdem monachis meis et confirmavi duas partes decimarum omnimodarum dominij mei et dominij militum qui de me terras tenent in Northfolch assensu quidem et voluntate eorundem videlicet de Dersingham et Inguluesthorp et Ryburg et Snaring et Toftes et Cestretun et parva Ryburg et Wodedalling et Saxlingeham et Walsingham et Berneia et Babbingle et Rudham et Appletone et Patesleia Hanc igitur concessionem et confirmacionem facio ego nominatim ad servicium ecclesie sancte Marie de Binham pro salute domini mei Henrici regis secundi et liberorum ejus et pro salute propria et uxoris mee et matris mee et omnium parentum et amicorum meorum et pro animabus omnium parentum et antecessorum meorum in liberam et perpetuam elemosinam solutam et quietam ab omni seculari servicio erga me et heredes meos et erga omnes omnino homines nichil mihi vel successoribus meis reservans vel retinens nisi solummodo devotas oraciones et divine pietatis retribucionem Sed volo et in virtute Dei precipio ut heredes et successores mei sicut salvari ante Deum volunt sint tutores et defensores ejusdem ecclesie de Binham et omnium pertinencium et non destructores aut aliquo modo vastatores Sciendum est etiam quod omnes milites mei de Northfolch cum mortui fuerint si tamen in Anglie moriantur apud Binham debent sepeliri et a monachis honorifice corpora eorum suscipi et pro eis debet servicium sicut pro fratre devote fieri et pars eorum tocius sue substancie illorum tantum maneriorum de quibus eadem ecclesia habet decimas ecclesie sancte Marie reddi et offerri debet Ubicumque etiam moriantur sive sepeliantur predicta pars tocius sue substantie que eos continget pro singulis supradicte ecclesie per convencionem reddetur et a monachis debitum servicium sicut pro fratribus persolvetur Pro uxoribus vero et heredibus eorum omnibus post futuris eadem convencio ab utraque parte semper in posterum implebitur Hijs testibus Roberto capellano de Benituna Johanne clerico de Valoniis Gaufrido clerico de Lanualei Radulfo de Lattimer Radulfo de Lanualei Willielmo de London Gaufrido filio Alani Ricardo filio Gilberti Andree dispensatore Henrico de Westle David filio Brunman Milone camerario Fulcone venatore Reginaldo pistore Rogero filio Aeliz Johanne filio Isabel Willielmo coco Radulfo de stabulo Adam de Waldane Willielmo filio Remeri Willielmo Passeleuue Radulfo filio Willielmi Radulfo Hein Matheo diacono Rogero Facato Willielmo et Ranulfo filiis ejus Michaele janitore et Hamone filio ejus Lamberto pistore Turthillo et Reinaldo filijs ejus Ricardo filio Turthil et Milone filio ejus Rogero filio Jordani Boemundo Clemente filio Gossi et Radulfo et Willielmo filijs ejus Urbano de Chavtune Adam de Schalers Nigello filio Willielmi