Charter Document - 07550017

Notum sit universis sancte ecclesie tam futuris quam presentibus fidelibus quod ego Petrus de Valonijs antecessorum meorum inherens vestigijs consilio amicorum meorum hominumque assensu concedo et confirmo ecclesie sancte Marie de Binham omnes teneturas quascunque predecessores mei Petrus scilicet de Valonijs avus meus et post ejus decessum pater meus Rogerus in liberam elemosinam dederunt et concesserunt ita bene et quiete et honorifice eidem ecclesie possidendas sicut unquam melius et liberius et honorificencius una die vel hora ipsi tenuerunt vel possiderunt scilicet manerium totum de Binham et ecclesiam cum terris et pratis in silvis et marcesco et homagio nichil mihi vel successoribus meis in eodem manerio reservans nisi divine retribucionem pietatis Sed volo et concedo et precipio ut heredes mei et successores sint ejusdem manerij tutores et omnium pertinencium et defensores et non destructores aut aliquo modo vastatores Concedo etiam et confirmo sicut avus meus et pater dederunt et concesserunt duas partes decimarum mearum de Dersingeham et de Hinguluesthorp de meo dominio et duas partes decimarum militum meorum qui de [me] terras tenent in Northfolch assensu et voluntate eorum Hec sunt maneria quorum decimas antecessores mei supradicte ecclesie concesserunt et ego concedo Ryburg et aliam parvam Ryburg Snaring et Toftes Cestrenam et Wodedallingham Saxlingeham Walsingcham Berneiam Babbingele Sernebrunam Rudham et Appletunam Patelleiam et Ripetunam Concedo etiam et confirmo ecclesias et terras quas eidem ecclesie Rogerus meus pater dedit et concessit scilicet ecclesiam de Dersingham cum pertinencijs suis omnibus et medietatem ecclesie de magna Walsingeham et cantariam et omnem suam terram ejusdem ville cum totis homagijs et libertatibus et omnem suam terram de Gunethorp et terram de Welles que fuit Roberti Godchild et dimidiam Berneiam cum ecclesia tota quam ego predicte ecclesie de Binham dedi et concessi Concedo etiam et confirmo sexaginta acras quas mater mea in Westeleia donavit pro anima patris mei Rogeri de Valoniis eidem ecclesie Que omnia concedo ad servicium sancte Marie de Binham pro anima Willielmi Regis qui Angliam adquisivit et memoratum manerium avo meo dedit et pro anima Matildis regine uxoris sue et anima Henrici regis et Matildis regine uxoris sue nec non et pro incolumitate et salute domini mei Henrici secundi regis et Alienore regine et prolis sue et pro anima Petri de Valonijs avi mei qui ecclesiam de Binham fundavit et pro animabus patris mei et matris et pro me ipso et pro animabus omnium antecessorum meorum ex quorum progenie exortus sum et pro animabus hominum meorum et antecessorum eorum Concedo inquam et presentis serie scripti confirmo ne ab aliquo in posterum immutetur Hujus confirmacionis sunt testes Agnes de Valoniis Robertus et Gaufridus et Rogerus et Johannes et Philippus de Valoniis Adam filius Aluredi Ricardus de Chalva Philippus de Snaringes Rogerus filius Hunfredi Ricardus de Snaringes Walterus de Novavilla Radulfus de Duill Willelmus de Boxa Hugo filius Alani Robertus filius Radulfi de Wycton Willielmus de Bosco Ambrosius Willielmus de Mandevilla Robertus de Insula Robertus de Herford Robertus de Mandevilla Willielmus filius Enclois Petrus de Mora Rogerus Tessun Ricardus de Holeburne Gervasius clericus Ricardus frater ejus Ranulfus Bas Robertus monachus Petrus clericus Hugo clericus Willielmus clericus Alanus clericus Radulfus sacerdos Willielmus Lambertus et multi alij