Charter Document - 07550016

Notum sit omnibus fidelibus tam futuris quam presentibus quod ego Rogerus de Valonijs patris mei Petri de Valoniis inherens vestigijs concessi et confirmavi hac mea carta Deo et Sancte Marie et monachis sancti Albani apud Binham manentibus consilio amicorum et hominum meorum ipsam ecclesiam de Binham totumque manerium in terris pratis silvis mariscis pascuis et homagijs et terram totam quam pater meus dedit eisdem monachis in Egesfeld et nemora et warennam quam ipse habuit ex dono regis in eadem villa Volo etiam et concedo ut ipsi monachi habeant omnimodas decimas duarum partium dominiorum meorum et omnium militum meorum in Northfolch quas pater meus eis dedit et concessit assensu quidem et voluntate eorundem militum videlicet de Dersingeham et de Hingeluesthorp de meo dominio et Ryburg et de alia parva Ryburg et Snaringe et Toftes et Gestretuna et Wodedall et Saxingeham et Berneya et Egesfeld et Babingelee et Sarebrunne et Rudham et Appletone et Patesle et Ripetuna Concedo insuper predictis monachis ex meo dono ecclesiam de Dersingham cum omnibus ad eam pertinentibus et medietatem ecclesie de Walsingham cum cantaria que habet Robertus Godchild de monachis sancti Albani et totam terram quam Humfridus miles meus tenuerat de me in Walsingeham cum toto homagio et ceteris omnibus pertinencijs et totam terram meam de Gunesthorp et totam terram de Welles de feodo meo quam tenuit Robertus Godchild Hec omnia concedo ad servicium ecclesie sancte Marie de Binham et monachorum illius loci pro anima Willielmi regis qui Angliam adquisivit et memoratum manerium patri meo dedit et pro anima Matildis regine uxoris sue et pro anima Henrici regis et Mathildis regine et prolis sue et pro anima Petri de Valonijs patris mei qui ecclesiam de Binham fundavit et pro me ipso et pro animabus omnium antecessorum meorum ex quorum progenie exortus sum et pro animabus hominum meorum et antecessorum eorum concedo et presentis serie scripti confirmo nichil michi vel successoribus meis reservans nisi divine pietatis retribucionem Sed volo et precipio ut heredes mei et successores sint tutores ejusdem ecclesie et omnium pertinencium et defensores et non destructores aut aliquo modo vastatores Sciendum est eciam quod omnes milites mei de Northfolch cum mortui fuerint si tamen in Anglie moriantur apud Binham debent sepeliri et a monachis honorifice corpora eorum suscipi et pro eis debet servicium sicut pro fratre devote fieri et pars eorum tocius sue substancie illorum tantum maneriorum de quibus eadem ecclesia habet decimas ecclesie sancte Marie reddi et offerri debet Ubicumque etiam moriantur sive sepeliantur predicta pars tocius sue substancie pro singulis eorum supradicte ecclesie per convencionem reddetur et a monachis debitum servicium sicut pro fratribus persolvetur et pro uxoribus et heredibus omnibus post futuris eadem convencio ab utraque parte semper in posterum implebitur Hujus confirmacionis sunt testes Agnes de Valoniis uxor mea Petrus et Robertus et Gaufridus et Johannes filij mei Robertus dapifer Fulqui de Munpincun Philippus de Snaringes Alanus de Buxo Gaufridus de Babingele Thuraldus de Dallinges Adam filius Aluredi Yvenus capellanus Willielmus capellanus Petrus clericus Nicholaus de Dallinges Jordanus Lambertus pistor Alanus de Turlevile Walterus de Valoniis Petrus de Stivekeye Gaufridus de Snaringes et Alanus clericus frater ejus et Burnardus de Stodheie