Charter Document - 07550015

Notum sit omnibus tam futuris quam presentibus quod ego Petrus de Valonijs et Albreda uxor mea concedentibus filijs meis Willelmo et Rogero consilio etiam nepotis mei Walteri et ceterorum hominum et amicorum meorum assensu etiam et licencia et per breve Henrici regis domini mei et Matildis regine dono et concedo Deo et sancte Marie et sancto Albano ecclesiam sancte Marie de Binham totumque manerium in terra et pratis et silvis et marcesco et homagio ita plene sicut tenueram illud manerium a rege nichil mihi vel successoribus meis in eodem manerio retinens et reservans nisi divine pietatis retribucionem sed volo et concedo ut heredes et successores mei sint tutores et defensores ejusdem ecclesie et ville et non destructores aut aliquo modo vastatores Quod beneficium et elemosinam specialiter facio pro anima domini mei Willielmi regis qui Angliam adquisivit qui mihi dedit illud manerium cujus etiam assensu et licencia hoc opus incepi et pro anima Matildis regine uxoris sue et Willielmi regis filij sui et pro salute Henrici regis domini mei et Matildis regine uxoris sue quorum nutu et licencia istam elemosinam facio et filiorum suorum et pro meipso et uxore mea et filijs et fratribus et propinquis meis pro animabus etiam patris et matris mee et omnium antecessorum meorum ex quorum progenie ego exortus sum et pro Albreda uxore mea et Eudone fratre suo et Rohaysa uxore et pro animabus antecessorum illorum ex quorum progenie exorti sunt et pro salute hominum meorum et animabus antecessorum illorum quorum decimas eorundem nutu ecclesie Sancte Marie de Binham tribuo Concedo etiam eidem ecclesie duas partes decimarum mearum in Dersingham et Inguluesthorp de meo dominio Et duas partes decimarum militum meorum qui de me terras tenent in Northfulchia assensu quidem et voluntate eorundem Hec sunt maneria quorum decimas supradicte ecclesie concedo Riburg quod tenet Radulphus Facatus et Snaringa et Toftes quod tenet Ricardus de Spineto ab eodem Radulpho et Testurtuna et Riburg et Wodedallinga et Saxselyngham que tenet Thuroldus Walsyngham quod tenet Humfridus Berneya quod tenet Walterus dapifer Babingleya quod tenet Willielmus de Rudham et Apeltone quod tenet Turgisius Patesleya quod tenet Rogerus Que omnia dono et nominatim concedo ad servicium ecclesie Sancte Marie de Binham Sciendum est etiam quod predicti mei milites cum mortui fuerint si tamen in Anglie moriantur apud Binham debent sepeliri et a monachis honorifice corpora eorum suscipi et pro eis debet servicium sicut pro fratre devote fieri et pars eorum tocius sue substancie illorum tantum maneriorum de quibus eadem ecclesia habet decimas ecclesie sancte Marie reddi et offerri debet Ubicumque etiam moriantur sive sepeliantur predicta pars tocius sue substancie pro singulis eorum supradicte ecclesie per convencionem reddetur et a monachis debitum servicium sicut pro fratribus persolvetur et pro uxoribus et heredibus eadem convencio ab utraque parte semper in posterum implebitur Que ecclesia sancte Marie de Binham eo tenore subicietur ecclesie sancti Albani in cella quo tenore ecclesia sancti Pancracij de Lewes ecclesie sancti Petri Cluniacensis est subjecta redditura per annos singulos ecclesie sancti Albani unam marcam argenti et non amplius et hoc in die festi sancti Albani Quinimmo talem libertatem habebit hec ecclesia per omnia sub ecclesia sancti Albani qualem habet ecclesia sancti Pancracij sub ecclesia Cluniacensi Abbas etiam ecclesie sancti Albani semel in anno apud Binham cum tres decem equis tantum et non plus per octo dies immorari poterit nisi a priore diucius detentus vel sepius advocatus fuerit ob edificacionem loci et emendacionem monachorum In qua ecclesia sancte Marie debent ab abbate ecclesie sancti Albani ad servicium Dei faciendum octo fratres et non minus jugiter institui Quod si aliquando quilibet fidelis sive clericus sive laicus in eadem ecclesia converti voluerit et Prior illud ecclesie expedire aut facultatem posse sufferre persenserit receptus ad ecclesiam sancti Albani benedicendus et professionem facturus conducatur et postea ad ecclesiam unde venerat revertatur nisi instruendus et edocendus aliquandiu ab Abbate et favente Priore retineatur Hujus beneficij donacionem et oblacionem fecit Petrus de Valonijs et Albreda uxor ejus hominesque sui Deo et sancte Marie et sancto Albano super altare sancte Marie de Binham presente Ricardo abbate ecclesie sancti Albani et tunc ibidem missam celebrante presentibus etiam abbate Roberto de sancto Edmundo et Ricardo abbate sancti Benedicti de Holme et Lamberto priore de Acra coram subscriptis testibus Nigello et Radulfo et Ricardo capellanis Petri de Valonijs Hermanno clerico abbatis de Holme Edmundo clerico abbatis de sancto Edmundo Rogero presbitero de Dersingham Alsio presbytero Leuret presbytero de Warham Aluerico presbytero de Holcham et Ascetel et Alwold et Wimundo presbyteris de Walsingham Osgod presbitero de Binham Osgoto presbitero de Gunthorp Edwyn Pinbon de Wicton Iketel presbitero de Welles Albrico presbitero de Stivekey Radulfo Facato Waltero dapifero Humfrido comite Humfrido Calvo Turoldo de Dallinga Godrico presbitero de Stulethorp et Olfinc filio ejus Wlfo presbitero de Barsam et ejus filio Reynaldo Ricardo de Spineto Willielmo de Babingleia Hugone de Dersingham et Picoto fratre ejus Stangrin presbitero de Inguluesthorp Godwyno et Radulfo et Azor de Snetesham Alberto Francigena Willielmo de Veltre Gaufrido de Fabricis Herveo de Docinga Algar de Wyctone Wirchmaro de Walsingham Yveno de Stivekey Iketel de Warham et Otulfo fratre suo Roberto fratre abbatis de Holme et Waltero nepote ejus Petro de Werenga Wucerico Grimbaldo Osberno de Byntre Willielmo filio Rogeri Willielmo Picot Finto Gilberto de Spineto Adelardo Rogero de sancto Salvatore Hamone nepote Petri et Ricardo fratre suo et Ricardo de Sanetham Willielmo filio Theodorici Gaufrido filio Rogeri Roberto monacho Ranulfo fratre Fulconis Willielmo Wygero et alijs