Charter Document - 07550014
| Charter Number: | 07550014 |
|---|---|
| Cartulary Title: | Registrum de Panmure |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1261 |
| Date type: | Internal, A.D. |
| Resource Link(s): |
People of Medieval Scotland |
Charter:
Omnibus hoc scriptum visuris vel audituris Radulfus Maylle salutem Noverit universitas vestra me concessisse et ex toto quietam clamasse de me et heredibus meis Willelmo de Mortuo mari et heredibus suis vel suis assignatis in perpetuum totam terram meam quam habui et tenui de eodem Willelmo in territorio de Foulys que vocatur Drengysland et totum jus quod habui uel habere potui in eadem tempore huius mee quiete clamacionis Tenendam et habendam sibi et heredibus suis vel suis assignatis libere quiete plenaria et honorifice cum omnibus libertatibus aysiamentis et pertinencijs suis cum quibus ego tenui eandem et possedi tempore aliquo sine quocunque retine mento Et si ego vel aliquis heredum meorum aliquo tempore contra predictam concessionem meam et quietam clamacionem in aliquo venire presumpserimus obligo me et heredes meos ad solvendum dicto Willelmo uel heredibus suis siue assignatis nomine pene ducentas libras sterlingorum legalium concedendo quod nec ego nec quisquis heredum meorum in aliquo foro ecclesiastico vel seculari audiamur quousque sibi vel heredibus suis vel assignatis de predicta pecunia prius fuerit a nobis plenius satisfactum Renunciando etiam pro me et heredibus meis cuilibet carte seu instrumento super donacione dicte terre mihi et heredibus meis prius concesso et obtento et omni privilegio fori canonici vel civilis cum omnibus iuris remedijs mihi vel eis competentibus seu competiturus necnon cum privilegio crucesignatis indulto vel in posterum indulgendo Ita quod nulla littera impetrata vel impetranda a Rege vel quocunque laico seu clerico contra istam concessionem et quietam clamacionem meam possit audiri vel mihi vel alicui heredum meorum in posterum prodesse Et ad omnia supradicta et singula fideliter et sine malo ingenio obseruanda fide media per hanc scripturam publicam obligaui me et heredes meos subjiciendo me et eosdem jurisdiccioni Glasguensis et Dunkeldensis episcoporum qui pro tempore fuerint aut alteri eorum ad quem querimonia venerit ad obseruationem dicte concessionis et quiete clamacionis mee et pene supradicte omnimodam solucionem faciendam prout supradictum est per censuram ecclesiasticam de plano et sine strepitu possit compellere In hujus rei testimonium huic scripto sigillum meum feci apponi Testibus Domino Willelmo de Ramysey Domino Johanne de Cambrun Domino Roberto de Fodryngay Roberto vicario de Foulys Willelmo capellano de Huctyrhuse Alexandro maro Reginaldo de Buthyrgasse Willelmo de Clony Thome filio Alani cum alijs Actum Anno gratie MCCLX primo mense Augusti