Charter Document - 07550013
| Charter Number: | 07550013 |
|---|---|
| Cartulary Title: | Registrum de Panmure |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1189 - 1195 |
| Date type: | Assigned |
| Resource Link(s): |
People of Medieval Scotland |
Charter:
W[illelmus] Dei gratia Rex Scott[orum] Episcopis Abbatibus Comitibus Baronibus Justiciis Uicecomitibus prepositis Ministris eta omnibus probis hominibus totius terre sue clericis et laicis Salutem Sciant presentes et futuri me dedisse et concessisse et hac carta mea confirmasse Rogero de Mortemer terram illam que fuit Willelmi Masculi cum Cristina que fuit filia eiusdem Willelmi scilicet Fuhles per Rectas diuisas suas et Cum omnibus iustis pertinentiis suis Tenendam sibi et heredibus suis de me et heredibus meis in feudo et hereditate in Bosco et plano in pratis et Aquis in terris et Pascuis in moris et mariscis in Stagnis et molendinis et in omnibus aliis ad predictam terram iuste pertinentibus Cum furca et fossa Cum Socca et Sacca Cum thol et Them et Infangenethef libere et quiete plenaria et honorifice per seruitium unius militis Concessi etiam predicto Rogero quod si aliquid humanitus de Cristina uxore illius filia predicti Willelmi contigerit ego et heredes mei predicto Rogero et heredibus suis predictam terram sicut eam quam ei dedi pro seruitio suo warantizabimus Et si aliquid humanitus de ipso Rogero contigerit predicta terra prefate Cristine quieta remaneat Testibus Matheo Episcopo de Aberdon Hugone Cancellario meo Comite Dunecano Justicia Comite Gilberto Willelmo de Moreuill Constabulario Willelmo Cumin Willelmo de Haia Johanne de Hasting Malisio fratre Comitis Gilberti Radulfo Ruffo Apud Pert