Charter Document - 07550012

Omnibus has literas visuris vel audituris Gilbertus Dominus de Rothven in Strathern miles filius Walteri de Rothven salutem Noveritis in presentia domini Alexandri Dei gratia Regis Scotie in sua curia apud Schonam die veneris ante dominicam palmarum Anno gracie millesimo ducentesimo sexagesimo secundo me per fustim et baculum reddidisse resignasse et quietum clamasse pro me et heredibus meis Willelmo de mortuo mari cognato meo et heredibus suis in perpetuum totum jus quod ego et heredes mei habuimus vel habere potuimus per descensum Cecilie auie mee filie domini Willielmi de Maule vel aliquo alio iure me et heredes meos contingente in tota terra de Foulis in Gouerin vel in medietate ipsius vel in parte ejusdem pro qua dictum Willelmum de Mortuo mari per breve domini Regis vel per aliud ius mihi et heredibus meis competens in judicio implicatavi pro quadam summa pecunie quam mihi dictus Willelmus dedit pro dicta quieta clamacione Et quociens contingat me et heredes meos vel aliquem heredum meorum contra dictam quietam clamacionem venire quod absit volo et firmiter promitto solvere pro me et heredibus meis nomine pene tociens sexaginta libras sterlingorum bonorum et legalium dicto Wilielmo de mortuo mari et heredibus suis vel suis assignatis rata nihilominus quieta clamacione prenominata remanente Preterea ego predictus Gilbertus in hoc facto pro me et heredibus meis renuncio omnimode carte sive litere a rege vel a sede apostolica vel aliunde impetratis et impetrandis et omni juris auxilio canonici et civilis privilegio fori omni consuetudini et statuto appellacionis remedio et omni excepcioni et detencioni personali et reali et omnibus alijs que poterint dictam quietam clamacionem enervare vel impedire Insuper ad predictam penam impositam et quietam clamacionem firmiter observandam subjicio me et heredes meos jurisdictioni Episcoporum sancti Andree et Dunblanensis qui pro tempore erunt ut ipsi duo vel eorum alter me et heredes meos per censuram ecclesiasticam quibus modis voluerint vel voluerit vel sibi viderint vel viderit expedire possint vel possit compellere Et ad supplicacionem mei et dicti Willelmi fecit Dominus Rex presentem licenciam in rotulis capelle sue inscribi Ut autem ista quieta clamacio rata stabilis et inconcussa permaneat presenti scripto patenti sigillum meum apposui Hiis testibus Dominis Alexandro Cumyn tunc justiciario Scotie Malisio comite de Strathern Willelmo comite de Mar tunc camerario Magistro Willelmo Wyscard archidiacono Sancti Andree tunc cancellario Eustachio de Turribus Gilberto de Haya Hugone de Berclay tunc justiciario Laudonie Willielmo de Monte alto Bernardo de Monte alto Waltero de Bercley David de Lochor tunc vicecomite de Gouerin Alexandro de Ynchemartin Johanne de Dundemore Waltero tunc judice domini Regis et Johanne de Potin judice et multis alijs