Charter Document - 07550011
| Charter Number: | 07550011 |
|---|---|
| Cartulary Title: | Registrum de Panmure |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1225 - 1235 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris ecclesie filijs Hugo de Mortuo mari Salutem Sciant tam futuri quam presentes me concessisse et hac mea carta confirmasse Deo et canonicis ecclesie sancti Andree capellam de Foules cum terra que eidem capelle competebat antequam Foules data esset Willelmo Masculo avo meo et cum decem acris terre quas idem Willelmus in incrementum dedit predicte capelle et cum decimis et oblacionibus et cum omnibus eidem capelle pertinentibus in perpetuam elemosinam pro salute anime mee et uxoris mee et pro animabus antecessorum et successorum meorum Quare firmiter volo ut predicti canonici prefatam capellam teneant et possideant liberam et quietam ab omni servicio seculari et exaccione et absque reclamacione mei heredumque meorum sicut liberius et quiecius ceteras elemosinas suas in Scocia tenent et possident Concessi etiam predictis canonicis decimam molendini mei et communem pasturam secundum aisiamentum feudi mei de Foules videlicet ad octo boves et decem vaccas et tres equos et centum oves Concessi etiam eisdem canonicis ut nutrimentum predicte pecunie annuatim sit in ipsa pastura per unum annum primum post fetum sicut in carta predicti Willelmi plenius continetur ut autem hec mea concessio robur perpetue firmitatis obtineat eam presentis scripti munimine cum sigilli mei apposicione duxi roborandam Hiis testibus Domino Willelmo episcopo sancti Andree Magistro Laurencio archidiacono sancti Andree Magistro Adam ouidio Magistro Alexandro de sancto Martino David de Bernam Domino Symone de Noys Willelmo de Golin Johanne de Hadingthona et multis alijs