Charter Document - 07550009
| Charter Number: | 07550009 |
|---|---|
| Cartulary Title: | Registrum de Panmure |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1165 - 1170 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris ecclesie filijs Willelmus masculus de Foules salutem Sciant tam futuri quam presentes me dedisse et concessisse et hac mea carta confirmasse Deo et canonicis ecclesie sancti Andree apostoli capellam de Foules cum terra que eidem capelle competebat antequam Foules esset michi data et cum decem acris terre quas in incrementum dedi ipsi capelle et cum decimis oblacionibus et cum omnibus eidem capelle pertinentibus perpetuo in elemosinam pro salute anime mee et pro animabus patris et matris mee et antecessorum et successorum meorum Quare firmiter volo ut predicti canonici prefatam capellam teneant et possideant liberam et quietam ab omni servicio seculari et exaccione et absque reclamacione mei et heredum meorum sicut liberius et quiecius ceteras elemosinas suas in Scocia tenent et possident Concessi etiam canonicis et in perpetuo dedi decimam molendini mei et communem pasturam secundum aisiamentum feudi mei de Foules videlicet ad octo boves et decem vaccas et tres equos et centum oves in perpetuo Concessi eciam eis in perpetuo ut nutrimentum prenominate pecunie annuatim sit in ipsa pastura per unum annum primum post fetum Concessi preterea ut tercia pars pecunie que ad meam partem assignata fuerit in obitu meo detur canonicis pro salute anime mee in pecunijs et in blado tam in terra quam super terram Decetero concessum est michi a conventu debitum unius canonici in obitu meo et ut corpus meum deferatur ad sepeliendum in cymeterio suo inter fratres suos Hijs testibus Ricardo episcopo sancti Andree Matheo archidiacono Comite Dunecano Adam fratre comitis Michaele clerico Roberto filio Seulfi Alexandro capellano Magistro Hereberto Adam de Syrais David fratre suo Archembaldo de Forgrund Hugone fratre suo Hulfchillo fabro Thor de Foules Fulchone de Hontrecommun