Charter Document - 07550007
| Charter Number: | 07550007 |
|---|---|
| Cartulary Title: | Registrum de Panmure |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1160 - 1194 |
| Date type: | Assigned |
| Resource Link(s): |
People of Medieval Scotland |
Charter:
Universis sancte matris ecclesie filijs Willelmus Masculus de Foules Salutem Sciant tam presentes quam futuri me dedisse et concessisse et hac mea carta confirmasse Thome clerico nepoti meo ecclesiam meam de foulis in liberam elemosinam cum terra ecclesie a rivo qui descendit ad molendinum meum per viam adversus forfar usque ad quandam divisam que est in parte orientali de chutel et ita per prenominatam divisam usque ad lapidem sub minore prato et sic usque ad predictum rivum Concessi etiam Deo et ecclesie et predicte persone terram quandam ex parte occidentali ville ad exitus animalium inter viam et rivum usque ad blakford Concessi itaque decimam molendini mei et communem pasturam in moris et in miris in bosco et in plano in vijs et in semitis in aquis et in pratis in pascuis Concessi itaque predicte persone hanc predictam ecclesiam liberam et quietam ab omni consuetudine seculari quod ad me vel ad heredem meum pertinet cum decimis et oblacionibus et obvencionibus et cum omnibus rectitudinibus eidem ecclesie pertinentibus Reddendo annuatim unam marcam canonicis sancti Andree ad festum sancti martini Hiis testibus Waltero priore sancti Andree et conventu ejusdem loci Comite Dunecano Michaele clerico Stephano clerico Adam fratre Comitis Alexandro capellano Jacobo capellano Archembaldo de Forgrund Ysaac de Banevin Willielmo dapifero Galfrido capellano Michaele Masculo Ricardo nepote meo