Charter Document - 07541105
| Charter Number: | 07541105 |
|---|---|
| Cartulary Title: | The Annandale Family Book of the Johnstones, Earls and Marquises of Annandale. Volume 1. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1316 - 1318 |
| Date type: | Assigned |
| Resource Link(s): |
Reference Document for this Embedded Document |
Charter:
Edwardus Dei gratia Rex Hibernie omnibus probis hominibus tocius terre sue salutem Sciatis nos dedisse concessisse et hac presenti carta nostra confirmasse Johanni de Carltoun pro homagio et seruicio suo denariatas terre de Dalmakeran quadrantalem terre del Carr super qua sita est insula denariatas terre del Enach et denariatas terre de Treuercragis cum pertinenciis per omnes rectas diuisas suas et metas Tenendas et habendas eidem Johanni et heredibus suis de nobis et heredibus nostris in feodo et hereditate libere quiete plenaria et honorifice cum omnibus libertatibus commoditatibus aisiamentis et iustis pertinenciis ad predictas terras pertinentibus seu aliquo iure valentibus pertinere Reddendo inde annuatim nobis et heredibus nostris prefatus Johannes et heredes sui tres [lanceas] competentes die natalis Domini apud capitale manerium de Turnbery et faciendo [inde] annuatim [tres sectas] curie nostre de Geruane ad tria anni placita capitalia pro omni alio seruicio exactione et demanda seculari In cuius rei testimonium presentibus sigillum nostrum precepimus apponi testibus Philippo de Moubray Adam Moer Johanne de Cnocdolian militibus Gilberto filio Dofnaldi Ricardo Edgar Colino filio Duncani Johanne filio Fergusii et aliis