Charter Document - 07540013
| Charter Number: | 07540013 |
|---|---|
| Cartulary Title: | The Annandale Family Book of the Johnstones, Earls and Marquises of Annandale. Volume 1. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1321 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Robertus Dei gracia Rex Scottorum omnibus probis hominibus tocius terre sue salutem Sciatis nos dedisse concessisse et hac presenti carta nostra confirmasse Vmfredo de Kirkepatrik dilecto et fideli nostro pro homagio et seruicio suo totam terram de Thorthoralde cum pertinenciis videlicet totum dominicum integraliter a communa cuiuscumque separatum et totam villam de Thorthoralde integre cum multuris et aliis pertinenciis suis quibuscumque ac eciam terras trium husbandorum ville de Roucan videlicet terram Gilmorduf terram Johannis filii Colman et terram Roberti Scot vnacum multuris et molendino tocius ville de Roucan cum libero introitu et exitu ad dictum molendinum Tenendas et habendas eidem Vmfredo et heredibus suis de nobis et heredibus nostris in feodo et hereditate per omnes rectas metas et diuisas suas sine aliquo retine mento inperpetuum libere quiete plenaria et honorifice in bosci et planis pratis pascuis et pasturis viis semitis moris mariscis aquis stagnis viuariis multuris molendinis et eorum sequelis vt predictum est in aucupacionibus piscacionibus et venacionibus in vnam liberam baroniam cum furca et fossa soc et sac thol et theam et infangandthef et cum omnimodis aliis libertatibus commoditatibus aisiamentis et iustis pertinenciis suis in omnibus et per omnia tam non nominatis quam nominatis Faciendo inde nobis et heredibus nostris dictus Vmfredus et heredes sui seruicium vnius architenentis et tres sectas per annum ad curiam nostram vicecomitatus de Dunfres ad tria placita capitalia singulis annis tenenda ibidem Concessimus eciam eidem Vmfredo vt ipse et heredes sui habeant teneant et possideant omnes terras suas predictas cum pertinenciis in liberam warennam inperpetuum Quare firmiter prohibemus ne quis in eisdem terris cum pertinenciis sine licencia ipsius Vmfredi aut heredum suorum speciali secet aucupet aut venetur aut in lacubus seu viuariis suis piscari presumat super nostram plenarium foris facturam In cuius rei testimonium presenti carte nostre sigillum nostrum fecimus apponi testibus venerabilibus [in Cristo p]atribus Willelmo et Willelmo Sancti Andree et Dunkeldensis ecclesiarum Dei gracia episcopis Bernardo abbate de Abirbrothok cancellario nostro Duncano comite de Fyf Thome Ranulphi [comite Morauie domin]o vallis Annandie et Mannie nepote nostro Waltero Senescallo Scocie et Jacobo domino de Duglas militibus apud Sconam decimo die Julii anno regni nostri sexto decimo