Charter Document - 07540011
| Charter Number: | 07540011 |
|---|---|
| Cartulary Title: | The Annandale Family Book of the Johnstones, Earls and Marquises of Annandale. Volume 1. |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1292 - 1304 |
| Date type: | Assigned |
| Resource Link(s): |
People of Medieval Scotland |
Charter:
Omnibus ad quos presens carta peruenerit Robertus de Brus Comes de Karrig et dominus Vallis Anandie salutem in Domino Noueritis nos dedisse concessisse et per presentem cartam nostram confirmasse domino Willelmo de Karleolo militi et heredibus suis ad incrementum terre sue de Kynemund vnam petiam terre de communi pastura nostra tenementi nostri de Neuby que quidem petia terre incipit ad domum quam Malota tenuit et se extendit ultra Litelsweit Mor ex transuerso usque in Castelbec et de Castelbec ex transuerso usque ad Langgesweit Mos extransuerso Batemanridding usque ad diuisim terre de Brakansweit et terre quam Hugo filius Laurencii tenuit et sic descendendo per sepem usque ad domum quondam Johannis Bonde et de domo illa descendendo per sepem usque ad riuulum qui uocatur Gillemartinebec et sic ascendendo sicut terra domini Willelmi de Karleolo se condonat vsque ad Mikelkeldwelle et de Mikelkeldwelle ascendendo per le Morhuses usque ad le Holgate que est inter terram de Morhuses et manerium domini Willelmi de Karleolo de Kynemund Tenendam et habendam totam predictam partiam terre dicto domino Willelmo de Karleolo et heredibus suis de nobis et heredibus nostris libere quiete pacifice integre bene et in pace cum omnibus suis libertatibus aisiamentis ad dictam terram pertinentibus Volumus etiam et per presentem cartam nostram concedimus pro nobis et heredibus nostris quod dictus dominus Willelmus de Karleolo et heredes sui dictam petiam terre per suas rectas diuisas ut supradictum est possint per sepes et fossas claudere assartare edificare pratum et terram arabilem hinc inde facere et in omnibus infra dictam partiam terre se approuiare prout sibi et heredibus suis melius uiderit expedire Et nos uero Robertus de Brus et heredes nostri totam predictam partiam terre cum omnibus suis libertatibus et aisiamentis suis ut supra dictum est predicto domino Willelmo de Karleolo et heredibus suis contra omnes homines et feminas warantizabimus acquietabimus et inperpetuum defendemus In cuius rei testimonium huic carte nostre sigillum nostrum apposuimus hiis testibus dominis Rogero de Kirkepatrik Thome de Torthorald Jacobo fratre suo Hugone Mauleuerer Humfrido de Bosco militibus Willelmo de Gardino Waltero de Corri Nicholao de Corri senescallo tunc temporis Vallis Anandie Waltero de Bosco et aliis