Charter Document - 07540003
| Charter Number: | 07540003 |
|---|---|
| Cartulary Title: | The Annandale Family Book of the Johnstones, Earls and Marquises of Annandale. Volume 1. |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1194 - 1212 |
| Date type: | Assigned |
| Resource Link(s): |
People of Medieval Scotland |
Charter:
Omnibus has litteras uisuris uel audituris Willelmus de Brus salutem Sciatis me dedisse et concessisse et hac presenti carta mea confirmasse Yuoni de Kirkepatric illam terram in feudo de Penresax que uocatur Thorbrec et Willambi et villam de Blacwde cum omnibus pertinenciis suis pro homagio suo et seruicio Tenendum et habendum sibi et heredibus suis de me et heredibus meis in feudo et hereditate libere quiete et plenaria in bosco et plano in aquis in stagnis et in molendinis in pratis in pascuis et pasturis et in ceteris omnibus libertatibus et aisiamentis communibus ad feudum de Penresax pertinentibus salua mihi et heredibus meis donatione ecclesie et ad meliorandum sibi prefatas terras infra suas rectas diuisas et duas carucatas terre in territorio de Penresax cum toftis et croftis que Ricardus filius Aldus Robertus filius Cecilie A[dam] de Willambi A[dam] filius sacerdotis A[da] filius Astin Jurdanus Stephanus Ricardus filius Siric tenuerunt in Penresax Faciendo michi et heredibus meis seruicium octaue partis feudi vnius militis Et sciendum est quod ego Willelmus et heredes mei warantizabimus prefato Yuoni et heredibus suis omnes prefatas terras et libertates et si illas eis warantizare non potuerimus ego et heredes mei dabimus sibi et heredibus suis terram in escambium infra uallem Anand ad ualenciam terrarum prefatarum cum omnibus prefatis libertatibus et per idem seruicium Et si in ualle Anand terram non habuerimus dabimus eis escambium alibi vbi terram iure hereditario possidemus hiis testibus Willelmo de Herice R[icardo] de Bosco Hugone de Corri Wnfrido de Gard[ino] Roberto de Crossebi G[illeberto] de Jonistune Rogero de Kirkepatric Roberto de Turmore Willelmo de Heneuile Alano de Dunwidi et multis aliis