Charter Document - 07530020
| Charter Number: | 07530020 |
|---|---|
| Cartulary Title: | Chronicon de Lanercost, 1201-1346 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1288 |
| Date type: | Internal, A.D., Calendar |
| Resource Link(s): |
People of Medieval Scotland |
Charter:
Nobili Viro domino Edmundo Comiti Cornubie custodi regni Anglie amico suo in Christo confidenti Willelmi et Robertus permissione Divina Sancti Andree et Glasguensis episcopi Duncanus Comes de Fyf Alexander Cumyn Comes de Buchan Constabularius et Justiciarius Scotie Custodes regni Scotia per communitatem ejusdem regni electi salutem et sincere dilectionis continuum incrementum Quia magnificus princeps dominus rex Anglie sui gratia executoribus testamenti bone memorie domini nostri regis Scottorum ultimo defuncti benigne concessit liberam administrationem omnium bonorum quocunque jure pertinentium in regno Anglie ad predictum testamentum et advocatio ecclesie de Knaresdalle pertineat inter cetera ad idem testamentum fueritque cum warda et maritagio Johannis Prate filii et heredis quondam Bertrani Prate Johanni Wyscarde de le Cars vendita nobilitatem vestram deprecamur attente quatenus ballivis Tindallie litteratorie dare dignemini in preceptis ut dictum Johannem Wyscarde quem dicti ballivi super advocatione dicte ecclesie de Knaresdalle gravant ut intelleximus ulterius super hoc nullatenus molestare presumant sed ipsum ad eandem libera presentatione gaudere permittant Tantum inde si placet facientes quod has nostras preces sibi profuisse letetur et vobis ad grates specialiter teneamur Valete Data apud Edinburg xiij die Maii anno gratie MCC octogesimo octavo