Charter Document - 07530017
| Charter Number: | 07530017 |
|---|---|
| Cartulary Title: | Chronicon de Lanercost, 1201-1346 |
| Charter Language: | Latin |
| Charter Origin: | Royal |
| Charter Type(s): | Request |
| Date: | 1266 - 1284 |
| Date type: | Assigned |
| Resource Link(s): |
People of Medieval Scotland |
Charter:
Excellentissimo principi avunculo suo carissimo domino Edwardo Dei gratia regi Anglie illustri domino Ibernie et duci Aquitannie suus si placet consanguineus Alexander illustris regis Scottorum primo genitus salutem et felices ad vota successus Cum incrementum glorie et honoris cum exultationis et gaudii copia in corde meo toties abundat quoties mihi de vestra excellentia rumores prosperi nunciantur dominationi vestre omni mentis affectione supplico reverenter quatenus statum vestrum utinam semper prosperum et jucundum mihi frequenter ad mei recreationem et solatium significare velitis una cum vestris beneplacitis ad que pro viribus me expono Ut autem de statu meo certitudinem habeatis sciat vestra celsitudo me disponente Altissimo prospera et felici sospitate vigere Et quia sigillum proprium non habeo sigillum domini Willelmi de Sancto Claro Custodis mei presentibus est appositum Valeat excellentia vestra semper in Domino