Charter Document - 07530009
| Charter Number: | 07530009 |
|---|---|
| Cartulary Title: | Chronicon de Lanercost, 1201-1346 |
| Charter Language: | Latin |
| Charter Origin: | Lay |
| Charter Type(s): | Request |
| Date: | 1224 |
| Date type: | Assigned |
| Resource Link(s): |
|
Charter:
Carissimo amico suo domino Huberto de Burgo Justiciario Anglie suus Willelmus Marescallus comes Pembrochie salutem Quia sibi signavit nobis dominus Johannes Marescallus consanguineus noster quod misit litteras domini regis Falcasio de Brealte pro bosco suo de Nortone quod ei donavi et pro terris suis in ballio dicti Falcasii in pace habendis cui Falcasius respondit quod si ei misisset triginta paria litterarum domini regis utique pacem non haberet de dicto bosco et de aliis rebus suis in ballio sua et vocavit omnes naturales homines Anglie et illum proditores et mentiendo intulit quod guerram voluerunt et desideraverunt et quod tantam guerram eis inveniet quod tota Anglie illis stricta nimis erit Ipse etiam Falcasius capi fecit ballivum dicti Johannis Marescalli et imprisonari in castro de Northampton nolens eum dimittere nisi plegios in veniret quod ei redderet omnes consuetudines et demandas indebitas quas de eadem terra exigit Hinc est quod vos attentius rogamus ut tam inconstantis est mendacis viri excessus si placet nobis emendari faciatis scientes pro vero quod nunquam a curia domini regis recedimus nisi vestra quod absit potentia nobis justitiam denegaverit Valete