Charter Document - 07520059

Pateat vniuersis per presentes quod cum lis seu controuersia mota esset inter dominum Martinum priorem de May nomine ipsius prioratus et pro ipso actorem ex una parte et dominos abbatem et conuentum de Scona reos ex altera super jure decime piscariarum de Sleples et de Inchescyrethislau quas quidem decimas dictus dominus prior de May asserebat de iure communi sibi competere sicut situatas infra parochiam ecclesie sue de la Rend et super cessacione cuiusdam annue pensionis duarum marcarum a dictis Abbate et conuentu dicto Priori soluendarum Tandem post dictam controuersiam seu litem coram commissariis Reuerendi patris domini Willelmi dei gratia Sancti Andree episcopi diucius agitatam placuit vtrique parti consensu et auctoritate dicti Reuerendi patris Sancti Andree episcopi ac prioris loci eiusdem accedentibus quod uiri prouidi et discreti magistri Willelmus de Yathaym archidiaconus Dunblanensis et Alexander de Kinimonth rector ecclesie de Thayenas visis meritis et circumstanciis cause possent discutere et plene ordinare de dicta controuersia seu contencione secundum quod melius eisdem videretur expedire fide a qualibet parte corporaliter prestita de non veniendo contra ordinacionem et disposicionem magistrorum Willelmi et Alexandri prenominatorum Qui quidem habito consilio peritorum pensatisque natura et qualitate negocii ac meritis ipsius cause diligenter inspectis disposuerunt ordinauerunt et amicabiliter inter dictas partes composuerunt quod dictus dominus prior de May nomine suo et prioratus sui dictos Abbatem et conuentum de Scona super dictis decimis piscariarum de Sleples et de Inchescyrethislau non inquietaret nec perpetuo molesta ret Immo ipsos quietos liberos et absolutes ab omni exaccione juris vendicacione et apris tacione decimarum piscariarum predictarum pro se et suis successoribus sponte et libere inperpetuum denunciaret Dicti vero abbas et conuentus annuam pensionem duarum marcarum in festis sancti martini et Pentechosten priori de May qui pro tempore fuerit soluendarum sicut actenus a tempore a quo non extat memoria consuetum erat sine contradiccione aliqua inperpetuum persoluent Idem vero dominus Martinus pro se et prioratu suo et idem abbas et conuentus de Scona pro se et monasterio suo fide corporaliter prestita a qualibet parte dictam composicionem et ordinacionem inperpetuum ualituram approbauerunt et ratificauerunt Et quilibet pro parte sua ratum et firmum habuit Renunciantes in hoc facto ex certa scientia omni priuilegio omni exceptioni doli mali accioni in factum condiccioni sine causa beneficio in integrum restitucionis et omnibus remediis juris canonici et ciuilis competentibus in presenti vel in futurum competituris In signum corroboracionis et confirmacionis huius composicionis legitime facte de consensu et procuracione parcium predictarum dictus reuerendus pater dominus Willelmus dei gratia Sancti Andree episcopus sigillum suum presentibus duxit apponendum una cum sigillo communi capituli Sancti Andree et sigillis dictarum parcium Datum apud Sanctum Andream die dominica proxima post festum Sancti Nicholai episcopi et confessoris Anno gratie MCCC Tertio decimo