Charter Document - 07520058
| Charter Number: | 07520058 |
|---|---|
| Cartulary Title: | Documents relating to the Priory of the Isle of May, c. 1140-1313 |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1306 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Edwardus dei gratia Rex Anglie Dominus Hibernie et Dux Aquitanie dilecto et fideli nostro Adomaro de Valencia consanguineo nostro salutem Querelam Abbatis et conuentus de Redingges recepimus commentem quod cum quedam insula vocata Maij et manerium de Pet[in]wem cum pertinenciis necnon alia loca tam spiritualia quam temporalia ad insulam et manerium predicta in terra nostra S[cocie] pertinentia de dono quondam Regum Scocie fuissent diu est monasterio de Redingges pacis tempore assignata et cum Abbas et conuentus et predecessores sui Abbates et conuentus eiusdem loci in pacifica possessione dictorum Insule et manerii et locorum a tempore assignacionis predicte hactenus extitissent Willelmus Episcopus Sancti Andree et Prior eiusdem loci ac quidam alii Insulam manerium et loca predicta tam spiritualia quam temporalia manu armata hostiliter inuadentes bona et catalla dictorum religiosorum in eisdem locis inuenta ceperunt et asportauerunt ac quedam de dictis bonis nequiter consumpserunt homines eorundem in locis predictis existentes verberauerunt vulnerauerunt et male tractauerunt in ipsorum et ecclesie de [Rading]ges preiudicium et dampnum non modicum et contra pacem nostram ut dicunt et prout per predictum Abbatem poteritis super hiis plenius informari Et ideo vobis mandamus quod inquisita super dictis transgressionibus veritate faciatis dicto Abbati de eisdem festinum iusticie complementum prout in huiusmodi casu de iure fuer[it] faciendum Datum sub priuato sigillo nostro apud Neuburgh in Tyndale secundo die Septembris anno regni nostri xxxiiij