Charter Document - 07520056
| Charter Number: | 07520056 |
|---|---|
| Cartulary Title: | Documents relating to the Priory of the Isle of May, c. 1140-1313 |
| Charter Language: | Latin |
| Charter Origin: | Religious |
| Charter Type(s): | Petition |
| Date: | 1286 |
| Date type: | Assigned |
| Resource Link(s): |
People of Medieval Scotland |
Charter:
Alexander dei gratia Illustri Regi Scocie eadem gratia Sancti Albani Sancti Petri Westmonasterii Sancte Marie de Thame Abbates in Anglie Salutem cum omni honore et debita reuerencia Cum sit nobis a sede apostolica libertates Iura et possessiones Ecclesie Rading Abbatis eciam et conuentus loci eiusdem in Regnis Anglie Scocie Wallie defendendi a malignorum incursibus ac protegendi tam in spiritualibus quam in temporalibus cum commissa ne filii inobediencie uideamur dissimulare non possumus quin mandatis pereamus apostolicis in hac parte propter quod uestre duximus excellencie in domino supplicandum deuote monentes quatinus si ad aliquorum instanciam In Prioratum de May qui ad monasterium Rading et eiusdem loci monachos spectare dinoscitur uel res seu possessiones quascumque ad dictum Prioratum spectantes contra sedis apostolice eisdem concessa priuilegia manus extendi preceperitis Vos hoc Regali clemencia reuocare studeatis quantum in nobis est inhibentes ne per uos uel aliquem de uestris eisdem monachis Rading supra dicto Prioratu uel aliquo iure uel possessiones ad ilium pertinente molestia inferatur aut grauamen Vos sic in hac parte habentes ut a deo dignam retribucionem inueniatis et quod ad defensionem membrorum suorum tantum filium sibi re generasse sancta mater ecclesia Romana gaudeat in futurum Valeat Regia potestas uestra diu in domino