Charter Document - 07520055
| Charter Number: | 07520055 |
|---|---|
| Cartulary Title: | Documents relating to the Priory of the Isle of May, c. 1140-1313 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1159 - 1181 |
| Date type: | Assigned |
| Resource Link(s): |
People of Medieval Scotland |
Charter:
Alexander episcopus seruus seruorum dei Dilectis filiis abbati et fratribus Radingensis monasterii salutem et apostolicam benedictionem Cura nos admonet suscepti regiminis ecclesiarum profectibus paterna consideratione prospicere et earum iura contra malignorum incursus apostolice tuitionis patrocinio communire Ea propter dilecti in domino filii officii nostri debitum prosequentes et uestris iustis postulationibus grato concurrentes assensu Leominstriam et possessiones alias siquas circa marciam Wallie uel in ipsa Wallia habere noscimini et insulam de Mai et alias possessiones quas habetis in Scocia sicut eas rationabiliter possidetis uobis et monasterio uestro auctoritate apostolica confirmamus et presentis scripti patrocinio communimus auctoritate apostolica artius inhibentes ne quis de prenominatis cellis abbatias facere aut de prescriptis possessionibus aliquid disponere sine assensu abbatis et capituli uestri aliquo modo presumat Nulli ergo omnino hominum liceat hanc paginam nostre confirmationis et constitutionis infringere uel ei aliquatenus contraire Siquis autem hoc attemptare presumpserit indignationem omnipotentis Dei et beatorum Petri et Pauli apostolorum eius se nouerit incursurum