Charter Document - 07511204
| Charter Number: | 07511204 |
|---|---|
| Cartulary Title: | The Register and Records of Holm Cultram |
| Charter Language: | Latin |
| Charter Origin: | Religious |
| Charter Type(s): | Final Concord |
| Date: | 1194 |
| Date type: | Internal, Feast, Regnal |
| Resource Link(s): |
|
Charter:
Hec est finalis concordia facta in curia domini regis apud Carliol die Sabbati proxima post festum sancti Luce anno regni regis Ricardi sexto coram Rogero Bigot comite Northfolchie Radulfo Hereford archidiacono Willielmo de Glaunvill Willielmo Hervey tunc justiciariis domini regis et aliis baronibus et fidelibus domini regis tunc ibidem presentibus inter monachos de Holmcoltram et Gilbertum filium Gilberti de domibus quas edificaverat ad nocumentum predicte abbatie de Holmcoltram scilicet quod idem Gilbertus removebit illas ante caput ville proxime post hanc concordiam et ponet juxta terram ecclesie que est ad caput de Drinudrahrigg versus orientem et ab occidentali parte ejusdem terre ecclesie incipiet edificare ix messuagia versus occidentem ita quod unumcumque messuagium habebit sex perticas latitudinis in transversum in Drinudrahrigg versus occidentem Et sciendum est quod ille domus quas predictus Gilbertus edificabit posita erunt ad caput terre de Drinudrahrigg versus meridiem ita quod antedictus Gilbertus et heredes ejus nunquam domum aliquam vel edificationem facient propinquiorem predicte abbatie de Holmcoltram