Charter Document - 07511141

Robertus permissione divina Glasguensis episcopus dilectis sibi in Christo filiis abbati et conventui de Holmcultram ordinis Cisterciensis Karliolensis dioecesis salutem gratiam et benedictionem Pie memorie Jocelinus episcopus Glasguensis predecessor noster Deo et ecclesie vestre sancte Marie ac vestris locum et capellam in Galwidia que dicitur Kirkewyny in liberam puram et perpetuam elemosinam concessit scriptoque suo episcopali auctoritate confirmavit volens ut vos predictam capellam et locum teneretis et possideretis libere et pacifice a prestationibus synodalium episcopalium et omnium onerum ordinariorum quieti totaliter et immunes Quam quidem capellam per xl annos sic inconcusse possidetis liberam et quietam de episcopalibus et sinodalibus et omnibus aliis exactionibus ex concessione ejusdem Jocelini predecessoris nostri vobis et ecclesie vestre concessam et collatam et ex certa scientia Innocencii pape tertii auctoritate apostolica confirmatam Porro bone memoria Walterus Glasguensis episcopus prefati Jocelini successor predicte sedi apostolice conquerendo monstravit quod monachi de Holm et quidam alii Cisterciensis ordinis Karliolensis et Glasguensis dioecesium quasdam parochiales ecclesias sue dioecesis indebite usurpantes parochianis et colonis ipsarum violenter expulsis ipsas in grangias et oratoria simplicia converterunt in ejusdem episcopi prejudicium non modicum et gravamen ac ipso ad episcopum Candida Casa abbatem de Glenlus et archidiaconum Candida Casa obtinente per apostolica scripta mandari ut convocatis partibus causam audirent et eam fine debito terminarent Coram quibus partibus more judicario evocatis et in judicio sufficienter instructis legitime comparentibus cum mandatis legaliter factis ad agendum defendendum transigendum componendum ac omnia alia faciendum que cause seu negocii qualitas exposcebat lis hoc fine conquievit scilicet quod jam dictus Walterus Glasguensis episcopus predictum locum de Kirkewynny et capellam Sancti Wininy in eo sitam Dei intuitu et religionis favore antedictis monachis de Holm concessit liberam et quietam ab omnibus episcopalibus et ab omnimodis exactione et parochiali ob noxitate habenda et possidenda pacifice et quiete Quam compositionem memorati judices approbantes et ratam habentes auctoritate qua in dicta causa fungebantur apostolica roboraverunt et sub sigillis suis publice confirmaverunt Et consequentur premissas concessiones sic pie et salubriter factas decanus et capitulum ecclesie Glasguensis piis oculis intuentes pariter et approbantes confirmare curaverunt prout in suis literis manifestius continetur Ut hec omiia et singula vidimus et intuiti sumus in instrumentis autenticis prefatorum episcoporum Jocelini et Walteri qui concesserunt ut premittitur Candida Casa episcopi abbatis de Glenlus et archidiaconi Candide Case auctoritate apostolica cognoscentium et compositioni de qua fit mentio supra auctoritatem et firmitatem prestantium Innocentii pape tertii concessionem prelibati Jocelini ex certa scientia confirmantis et confirmationis capituli nostri Glasguensis quibus inspectis sepiusque revolutis examinatis discussis ponderatis ac plenius intellectis a nostre jurisdictione ordinaria quacumque et omnimoda successorum nostrorum officialium ceterorumque ministrorum nostrorum cujuscumque conditionis existant vos successoresque vestros locum vestrum de Kyrkewiny capellam ejusdem monachos vestros ibidem vicissim existentes familiam famulos servientes tenentes et inquilinos vestros lares in terris et possessionibus vestris foventes non solum auctoritate apostolica verum etiam prescriptione quadragenaria quod omnem prorsus excludit actionem exemptos judicialiter pronuntiamus vosque immunes ab omni sarcina ordinarii liberos in hac parte et pleno jure vallatos nosque successoresque nostros nichil posse nec debere super premissis ut premittitur contra vos absque nota sacrilegii et Romani pontificis contemptum attemptare statuere decernere aut immutare quia sacrilegii instar est a principe diffinitum revolvere aut in dubium revocare sententialiter et diffinitive declaramus insinuantes Christi fidelibus universis quod vos per procuratorem vestrum legitime constitutum protestati estis palam coram nobis et manifeste quod concessionibus apostolice sedis Glasguensis confirmationibus et beneficio prescriptionis de quibus supra in singulis instrumentis plenius fit mentio per quamcumque dicta contraria seu facta nullo modo renuntiare vultis sed eisdem uti conjunctim et divisim et inniti ad defensionem vestram prout convenit intenditis cum effectu Sane licet gratie plenitudo adjectione non indigeat et supervacuis agitetur impendiis que solem certat fascibus adjuvare Liberales concessiones bone memorie Jocelini et Walteri et gratiam summi pontificis vobis factam in hac parte qui plenitudo gratie dicitur et omnia supernatat Jura sequentes et easdem ratas habentes et illibatas ex abundanti vobis et ecclesie vestre successoribusque vestris caritatis intuitu et sacre religionis obtentu capellam de Kyrkewyni nostre dioecesis memoratam cum omnibus pertinentiis suis perpetuo applicandam usibus vestris pro nobis et successoribus nostris pleno jure tam in temporalibus quam in spiritualibus decimasque majores minores obventiones oblationes et proventus qualitercumque obvenientes in vestros usus pro hospitum susceptione et pauperum subventione salvis vobis undique gratia summi pontificis et protestatione premissis auctoritate presenti de gracia concedimus speciali et ad majorem securitatem premissorum et firmitatem hoc presens scriptum decanus noster et capitulum Glasguense post maturiorem examinationem et indagationem frequentiorem intuitu Dei et religionis favore memoratis religiosis abbati et conventui de Holm ad nostram instantiam ex certa scientia et unanimi consensu confirmaverunt gratuita approbatione per sigilli sui communis approbationem solemniter roborantes In testimonium premissorum presentibus sigillum est appensum