Charter Document - 07511139
| Charter Number: | 07511139 |
|---|---|
| Cartulary Title: | The Register and Records of Holm Cultram |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1222 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Honorius episcopus servus servorum Dei venerabili fratri episcopo Candide Casa et dilectis filiis abbati de Glenlus Candide Case dioecesis et archidiacono Candida Case salutem et apostolicam benedictionem Venerabilis frater noster Glasguensis episcopus nobis conquerendo monstravit quod monachi de Holm et quidam alii Cisterciensis ordinis Karliolensis et Glasguensis dioecesium quasdam parochiales ecclesias sue dioecesis indebite usurpantes parochianis et colonis ipsorum expulsis ipsas in grangias et oratorio simplicia converterunt in ipsius non modicum prejudicium et gravamen Ideoque discretioni vestre per apostolica scripta mandamus quatenus convocatis partibus audiatis causam appellatione remota fine debito terminetis facientes quod statueritis per censuram ecclesiasticam firmiter observari Testes autem qui nominati fuerint si se gratia vel odio vel timore subtraxerint per censuram eandem appellatione cessante cogatis veritati testimonium perhibere Quod si non omnes hiis exequendis poteritis interesse tum frater episcopus cum eorum altero ea nihilominus exsequatur Datum apud Alac vi Kalendas Junii pontificatus nostri anno sexto