Charter Document - 07511129
| Charter Number: | 07511129 |
|---|---|
| Cartulary Title: | The Register and Records of Holm Cultram |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1206 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Innocentius episcopus servus servorum Dei dilectis filiis abbati et conventui de Holmcoltram Cisterciensis ordinis salutem et apostolicam benedictionem Sacrosancta ecclesia Romana devotos et humiles filios ex assuete pietatis officio propensius diligere consuevit et ne pravorum hominum molestiis agitentur eos tanquam pia mater solita est misericorditer confovere Ea propter dilecti in Domino filii vestris justis postulationibus clementius annuentes capellam de Kyrkewinwi in Galwychya quam per quadraginta annos pacifice possidetis liberam et quietam de episcopalibus et synodalibus et omnibus aliis exactionibus ex concessione Jocelini bone memorie Glasguensis episcopi vobis et ecclesie vestre collatam sicut in ejus autentico continetur devotioni vestre auctoritate apostolica confirmamus et presentis scripti patrocinio communimus statuentes ut si vos in aliquo gravari senseritis libere vobis liceat sedem apostolicam appellare Nulli ergo hominum liceat hanc paginam nostre confirmationis infringere vel ei ausu temerario contraire Si quis autem hoc attemptare presumpserit indignationem omnipotentis Dei et beatorum Petri et Pauli apostolorum ejus se noverit incursurum Data Rome apud Sanctum Petrum tertio Nonas Februarii pontificatus nostri anno octavo